VJESTNIK 4. (ZAGREB, 1902)

Strana - 64

64 Item quod Plebanus noster, et pro tempore existens teneatur dare cuilibet patrono suprascripto, et haeredibus ac successoribus ipsorum per singulas domos nostras unam candellam ceream de solido uno in festo Purificationis Beatae Virginis; et singulas domos Villicorum unam candellam de sex denariis paruorum perpetuis temporibus singulo anno duraturum. Item ordinamus, quod villici per nos ut praefertur donati Ecclesiis Sanctorum Michaelis, et Martini quilibet ipsorum Villicorum per domum suam debeat dare, et déferre illa munera quae nobis dederunt, et obligati erant dare. Et primo panes nitidos de farina grani in festo Circumcisionis Dni Nostri, post festum Natiuitatis Dni singulis annis duraturum. Et in festo Sti Martini quilibet donatorum villicorum debeat déferre panem nitidum quartae unius grani iuxta antiquam consuetudinem. Et tune quum delati fuerint dicti panes per praenominatos uillicos, quod Plebanus facere debeat prandium omnibus Patronis fundatoribus praescriptis seu omnibus ab eis descendentibus; et aliis uillanis simul cum praenominatis Patronis, qui panes portaverint singulo per unamquamque domum suam ; et quod Plebanus debeat post factum prandium dare Patronis praemissis una cum uillicis unum panem tune delatum simpliciorem omnium; et unum starium uini boni, et solidos quatuor monetae casei. Item statuimus, quod villici per nos, ut praefertur, donati ac dati Ecclesiis suprascriptis teneantur, ac debeant dare, et déferre Plebano per nos electo, et pro tempore eligendo capita porcorum nutrientium domibus suis, et si nutrissent in domo sua duos, aut tres, uel decem, de quolibet nutrientium porcorum caput débet deferri suo Plebano. Etiam debeat quilibet uillicus suo Plebano gallinam unam dare pro carnis priuio et unum par gallinarum, seu pullastorum pro festo Assumptionis Beatae Virginis de mense Augusti. Praeterea quod nos omnes teneamur, et obligati simus dare Plebano nostro praefato unum bonum agnum igni assatum; et oua quinquaginta ; et unum caseum solidorum quatuor, uel trium, et hoc pro solemnitate Paschatis; et si praedicta regalia oblata non fuerint, prout praefertur, Plebanus tune possit ab ipsis omnibus parochianis suis ducatum unum auri repetere propter ipsorum contumaciam. Item ordinauerunt, quod unquam in futuro nemo possit, aut ualeat forensis, et qui non est de sua parochia, cuiusuis existât conditionis, sepeliri in Ecclesiis Sanctorum Michaelis, et Martini, seu eorum cimiteriis, sine licentia Plebani, et Patronorum praemissorum, nisi prius sepeliendus siue eius parentes affini, uel de suo génère se submittat sub iurisdictione praefatarum Ecclesiarum, ut supra dictarum, et supra omnia quod soluant sepeliendi forenses Décimas nostro Plebano iuxta antiquam consuetudinem, ut numerus fidelium concrescat, et Deus glorificetur. Item ordinauerunt Patroni praemissi, quod in futurum nemo filiorum suorum, et eorum successores audeat. praesumat, seu quouis colore, et ingenio procuret infringere dotationem praemissam per ipsos factam Ecclesiis Sanctorum Michaelis de Lasano et Martini pro animabus suis, et suorum defunctorum. Et si quis haeredum, seu successorum nostrorum temerarie infringere quoquouis modo procurauerit, quod omnia stabilia et mobilia sua, suorumque tune possidentia deueniant, et fiant Comiti Clissiensi pro tempore existenti, et ei sit licitum auferre bona, sicuti praefertur, dummodo talis contrafaciens accusatus extiterit; ut omnes posteri discant suo exemplo, quam graue sit praeterire mandata suorum seniorum. Et his completis, omnes Patroni praedictas ordinationes, et constitutiones laudauerunt, et approbauerunt tanquam iustas, et honestas. Et eodem instanti uocato Dno praesbitero Jacobo Plebano electo, dictas ordinationes sibi perlegerunt, asseuerantes, quatenus iuret super ipsas eas seruare per se, et successores suos. Qui Dnus Plebanus auditis ordinationibus, et bene intellectis iurauit, tactis corporaliter sacris scripturis ad Sancta Dei Euangelia, eas fideliter per se, et successores suos toto pro posse obseruare, Iocumque honeste, et pudice regere ; ipsosque Patronos tan-