VJESTNIK 4. (ZAGREB, 1902)

Strana - 265

265 quandam ceram nigram, vel prout actores praetcndunt picem attinet, iam non ageretur, quali et cuiuspiam generis cera uti debeant, dummodo uno et eodem sigillo ab annis plurimis uterentur : quod si etiam dato sed non concesso ab annis plurimis quodpiam tali per quosuis rudes forsitan erratum fuisset tarnen id reformatum longoquc usu roboratum esset nemine contradicente eousque ea in parte longissimam incurisse prescriptionem prout apparebit ex pracmissis productis literis priuilegialibus. Procurator praenominatorum actorum dixisset, nullam praescriptionem incurrisse ex quo prout in actione constaret nouiter sigillum cum insignibus exeulpi fecissent in débita etiam nulla ex quo vera esset expositio actorum, quam eciam literis sufficientibuè productis probant, ideo petiuissent iuxta erectam querelam Judicium. Procurator in causam attractorum ad praemissa asseruissct, non agi de nouitate confectionis sigilli, verum de signeto, quo iidem in causam attracti uno eodemque ab annis plurimis usi sunt et uterentur, prouti id docent literis productis eodem signeto signatis, dixissetque ut supra iuxta sua allegata eosdem longissimam et quidem binariam incurrisse prescriptionem, petiuissetque sibi in praemissis potissimum de indebita vcxatione Judicium et iustitiam elargiri. Nos igitur auditis praemissis praedictorum partium allegationibus et mutuis responsis, habitoque cum praescriptis assessoribus sedis nostrae iudiciariae tauernicalis iuris peritis viris, mutuo tractatu sanaque deliberatione praehabita deliberauimus tali modo, quod quia ex productis priuilegiis utriusque ciuitatis non pateat habere unam aut alteram ciuitatem denotata et specifica insignia sigillorum, sed saltem iuxta antiquam consuetudinem et usum earum, easdem ciuitates separatio et diuersis sigillis usas fuisse ; itaque iuxta earundem ciuitatum hactenus observatam consuetudinem, vtraque ciuitatum suo consueto sigillo, videlicet inferior duabus, superior vero una crucibus et viridi cera utantur. Laboratores vero ad fortificationem inferioris ciuitatis, quae eiusdem loci reale praesiuium est, simul cum ciuibus eiusdem ciuitatis inferioris, ciuitas quoque superior iuxta hactenus obseruatam consuetudinem praestet et subeat : ita tamen ut reposita eiusdem ciuitatis superioris libère habere et intertenere possint, ecclesiae etiam in utraque ciuitate sint liberae. Praeterea illud quoque iudicialiter per nos cum praefatis iurisperitis viris deliberatum est : ut ciues unius vel alterius ciuitatis habentes terras et foenilia siue vineas in territorio alicuius ciuitatis in medium eorum ciuium in quorum territorio huiusmodi bona fuerint, contribuere, sub amissione talium bonorum habeant et teneantur. Praesentes autem sigillo nostro authentico secreto, quo ut magister tauernicorum regalium utimur communiri fecimus. Datum in dicta arce nostra Varasdiensi praescripta décima quinta die mensis Junii, anno domini millesimo sexcentesimo decimo septimo. Comes Thomas Erdeody m. p. Originale membraneum. In zona rubri, violacei et viridis coloris sigillum tavernicale secretum comitis Thomae Erdeody dependet. In archivo reg. et lib. civitatis Crisiensis. IX. Anno 1660. 26. Martii. Viennae. Leopoldus rex iudicium tavernicale comitis Thomae Erdeody a. 1612. in facto sigillorum super, et infer. civitatum Crisiensium ratificat. Nos Leopoldus dei gratia electus Romanorum imperator semper Augustus, ac Germaniae, Hungariae, Bohemiae, Dalmatiae, Croatiae, Sclauoniaeque etc. rex, archidux Austriae, dux Burgundiae, Brabantiae, Styriae, Carinthiae, Carniolae, marchio Morauiae, dux Lucemburgae, superioris et inferioris Silesiae, Wierthembergae, et Thekae, ac utriusque Lusatiae, comes Habspurgi, Tyrolis et Goritiae etc. memoriae comendamus tenore praesentium significantes quibus expedit uniuersis, quod fidèles nostri egregius Thomas Medued iuratus notarius, nec non prudens ac circumspectus Mathias Herwoy alias Thu-