VJESTNIK 4. (ZAGREB, 1902)
Strana - 248
248 „Spectabiiis ac Magnifiée Dne. V. Bane, Suprême Cornes Dne. Gratiose Colendissime ! Vu nevoljah velikih postavleni Gnu. V. Banu od vseh v. sudcev, sudcev i v. Comešeh ostavleni, milostivnomu Gnu. v. Banu naprvo dati primorjani smo novine kolere za nekojega naroda pripetile se nesu, očitujuč, kako leta sada tekućega 1755. die 1. Marty, hora 7 matutina, vojska ona, kotera Gnu. V. Banu dobro znana štimam, do sada koja vnoge dvore, grade i hiže je požgala na nas, gore rečeni dan vu Vinarce selo zvano došla je bila, kotera nas ako bi se svetlosti kraljevske zneveriti ne hoteli, žgati i orobiti hotela, kaiti pak mi kot i stareŠi naši vsigdar verni i stalni skazati želimo se, oružje suprot iste vojske podignuli smo, njih okolu dvanajst do smrti vubili smo, nekoliko ranjeni vušlo je, bubenj vuzeli i raztirali smo je, da jeden za drugoga ne zna, koja druga ni bila nego sami kmeti muži, kajti pak kapitani i ostali oficeri zmed njih vušli su, na nas drugu vojsku spravljaju i nas požgati hote. Gnu, V. Banu preporučamo se, da nam siromakom praha i olova poslati bi se kaj najbrže dostojali, ar ga za plaću dobiti ne moremo, štimaju, da smo kraljevske svetlosti neverni, k tomu prosimo, da Gpon. V. Ban nam pomoč poslati taki, diu noctuque, i to plemenite nam na pomoć poslati iz orsagov Gnu. V. Banu podložneh prez počinka bi se dostojali, zatem Milostivne Gpe. naše Gpe. Gpe. Marije Terezije kraljice naše pisati i obraniti prirečenje; naj ne zamude pomoč od zgora poslati nekoliko jezer Soldatov prez sumlje, koteri znani verni kraljice zmožne naše z oružjem izkažu se, da kaj već goršega med nami ne pripeti se. Menši susedi naši vsi se zneverili jesu, nekoji i plemenitaši med nje pojti morali jesu, vnoge porobili ljudi plemenite najmre iz Kolarec jesu v. v. konje i ostala odpeljali su. Gpda. Plebanuši pobegli su, skoro spovednikov dobiti ne moći. Kak je rečeno oficeri naši sudci i v. sudci pobegli su, ravnati se drugač neznamo, neg verno lestor oružjem branimo se i budemo se, samo ovo kaj prosimo naj nam ne skrate, ako soldatov nam ne pošlju končemar praha i olova naj nam pošalju i oružja, ar soldatov plemeniteh Ijudih imamo toliko više nego oružja, pušek najme i sablih, ne prosimo svetlosti kraljevske, nego Gna. V. Bana, za plaću našu sirotinsku, ljudi oružja ne maju od sudcev oglobleni, nekoji vu tabore iz oružjem pred letmi nekulikemi ostali su, vu siromaštvu živuć, dobro da po svetu od sleparij sudačkih i nekojih razišli se nesu, prosimo, da im naj ne zamere ar siromaštva skriti ne moći, lestor, da vsigdar veren zmožne Gpe. Gpe. Mariae Theresiae zmožne kraljice naše. Kapitan njihov je muž Stefić Stanko iz Kalnika kmet Gpe. Grofice natae Draskovics ostavlene vdove Gdna Petra Keglevics, kralj pako njihov je plemeniti N. Boczak, koteri iz Zagreba je vušel iz vuze, za kojega plemeniti iz Radešić i iz Visokoga vuzu trpeli jesu. Fodroczy pako ne znamo kakov oficer je njim bil, štimamo da pod moraš z njimi pojti je moral, ar drugoga pismenoga čioveka med sobom imeli nesu. Kai pak iz teh, koji vubiti su, počeli bi kam bi je deli ne znamo v. v. cucki vre jednoga pojeli su : glave njihove odsekli bi ali frajmana plaćati vedja nam se, nam pako, mrtvem Ijudem ova činiti kuliko sudimo nepristoji se. Ovi muži govorili su da do Beča ovak žguć bili bi išli, da bi mi nje ne bili obladali. Samo sedam ognjev to jest sedem pušek izhitili smo, bilo nas je okolo dvadeset i pet, pet brez pušek izmed dvadeset, vsaki ne imal puške nabite ar nesu imali s čim. Vu Križevce
