VJESTNIK 2. (ZAGREB, 1900.)
Strana - 97
97 communitatis aut nécessitas exposcat seu postulet, haecce statuta minui, mutari aut augeri queant. Et desuper nobis humiliter supplicatum sit, quatenus huiusmodi statutorum articulos clementer approbare et confirmare dignaremur. Nos considérantes id imprimis ad ius et aequitatem tranquillumque inter dictos subditos nostros statum conseruandum uergere, humillimae huic petitioni benigne annuendum censuimus. Ac proinde ex certa nostra scientia, animo bene deliberato, deque caesareae, regiae et archiducalis potestatis nostrae plenitudine praeinsertos statutorum articulos in omnibus et singulis punctis et uerborum expressionibus clementer approbauimus et confirmauimus, prout eosdem tenore praesentium benigne approbamus et confirmamus, volentes et expresse decernentes, quod ab omnibus firmiter et inuiolabiliter obseruari debeant dictaque ciuitas nostra Segniensis ijsdem libère et absque ullo impedimento uel molestia uti fruique debeat et possit. Quapropter omnibus et singulis nostris ministris et officialibus alijsque subditis et fidelibus nostris, cuiuscunque status, gradus, ordinis, conditionis uel praeeminentiae existant, serio mandamus et praecipimus, ut dictam ciuitatem nostram et communitatem Segniensem praescriptis statutorum articulis quiete et absque omni molestia, impedimento et perturbatione uti, potiri et gaudere sinant, illamque in eisdem manuteneant atque defendant et nihil contra eorum tenorem attentent aut faciant uel ab alijs quouis modo attentari fierique permittant, quatenus nostram successorumque nostrorum grauissimam indignationem ac poenam euitare uoluerint. Harum testimonio literarum manu nostra subscriptarum et sigilli nostri caesarei appensione munitarum. Datum in nostra et sacri imperij ciuitate Ratisbonae, die décima quarta julij, anno millesimo sexcentesimo quadragesimo, regnorum nostrorum Romani quarto, Vngarici decimo quinto et Bohemici decimo tertio. Ferdinandus m. p. Joannes Matthias Prikelmeyr manu propria. Ad mandatum sacrae caesareae maiestatis proprium. G. Schidenitsch m. p. Sigillum pendens e filo sericeo nigri et flavi coloris. Autographum membraneum in arčhivo civitatis Segniensis sub nro. XX. Mile Mqgdié. 7
