VJESTNIK 1. (ZAGREB, 1899.)

Strana - 112

naszel Margethinoga szina Fereka vu sivicze szvoje skrobutinu resuch, kojemu kada bi bil zachel govoriti, da kai tho delà, zakai mu njegovu sivicze zmirom ne pusti, govorechi mu, jeli mu sze to prisztoi tho na takov den delati, zakai boga nemoli, kojemu da je odgovoru, da ga ni nikai s njegovum bogomoljum szkerb, y da ga nai vrag zeme, ako mu kada vech kai zatho govoril bude, da ga hoche z nosem szvojem zaklati, y onda da szu mu sze the rechi resalile, prisztupil je k nemu y od sivicze ga odrinul, y onak od njega odiduch, nagrozil mu sze je z materjum szvojum, da mu ga mora sal biti, od kud domov doiduchi, povedál szi je vezdasne sene, da sze je z Ferekom szinom Margetinem poszvadil y nagrozil mu se je, da mu pak mora toga sal biti, kojemu pak za tum grosnjum vezdasnja sena njegova Susa, da ju je onu szredu pred Ivanjem nekak pod vecher vech puti szpomenuta Margetha y szinom szvojem Ferekom zasla bila pod grede szvoje na jednu czelinu gledet y od onut kak mu je sena povedala, da ju je szpod ruke lukala na rali njegove, koju je za onda sena njegova onde blizu verta Margetinoga nakapala, povedala mu je, da ju je glava zabolela, ko da bi ju gdo na pol razkolil bü, y da szproti ral osztaviti morala, y on taki vecher obetesala je y vu betegu po" sivotu na falaté cherna bila, ko da bi ju naibolje gdo zbil y sztukel bil, y onak da je dalje Margaretinja betesna y vsza izvun szebe bila, za koju da sze pak Margarete ne bi bil grozil y szvetem prahom senu szi kadil i napajal, ne bi bil noi lese y vumerla bi bila, y da sze pak on ovu jeszen nekak pred jedno deszetemi dnevi szamomu niemu Margetha grozila, da kakom goszpon odovde odide, da on zaplakati, kak ju czoperniczu potvarjal bude. Suprascripti Stephani Vlahovichek, supramentionata filia Barbara, annorum circiter 19 adjurata, examinata, fassa et attestata est: Kako naimre ona lainszko letho jednoch na blizom pred dnevom szvetoga Mihalya zasla je bila po vodu na zdenecz ne daleko od hise szvoje, gore napiszane Margete jeden vecher nekak vre po zdrave Marie, kada tako polak zdencza chesz onde buduchi potochecz, na kojem je drugach ocza njenoga melinecz, zapazila je bila vnosinu sen popecheneh kolo plesucsih, iz kojega kola da szu dosztupile k noi Margeta szinom szvojem Ferekom, y Bara Martekovicza sz pechami pokriti, prijele szu ju vszaka od szvoje sztrani za ruke, zvale szu ju med sze, da nai y ona ide vu nihovo kolo pleszat, govorechi, da je med nimi lepo, onde Ferek pako da je daval vnosinu gibanicz y vszakojachkoga mesza, kojem ona nikak sze ni dala premamiti, nego sze je prekrisila y zachela je boga y maiku bosju chucherszku na pomoch zazivati, kai razumevsi napiszane Margetha Vlachovih y Bara Marthekovicza, rekle szu je, da kai tho klafra, kojem odgovorila je: hote vi z bogom od mene, ja ne marim za vas plesz, za vase gibanicze niti meszo, ja bum doma jela, kai meni moi bog da, koje rechi kak bi bila zgovorila, szproti szu zginule y vszega onoga kola, iz kojega szu k noi došle bile, nesztalo je. Zatem kada bi bila onu presesznu zimu jednoch on vecher vre po zdrave Marie pred drevom maike bosje szvechne z malem bratom Josekom vu melin szvoi po melju zasla, vu kojem chula je onde iz jednoga dotik pusztoga buduchega melincza Margetu po imenu tri pute zazovuch ju, koje kada bi bila glasz y rech poznala, rekla szi je prot brata govorecha : Jeli chujes Josek, kak me Margeta zove, koja kak bi the rechi bila zgovorila, szproti je vumaknula rechena Margeta,