VJESNIK 11. (ZAGREB, 1945.)
Strana - 240
240 VJESNIK HRVATSKOG DRŽAVNOG ARHIVA majuša prvič vu Križevce, odonud vu Koprivnicu festingu prebavalihča generalov je odišel i ravnanje prijel. Glinski oberstar grof Adam Batthyan general — Wohmestrom je vučinjen. LETO 1753. Pod tabulum banskum, dan 14. meseca februariuša, po poldan okolu tretje vure, po prijemanju sv. sakramentumov vu hišah svojeh zagrebečkeh grof Ludovik Erdoedi, banske časti locumtenens, general maršal leitinant, kraljevski komornik i sadašni otajneh tolnačnik, varmegje varaždinske vekivečni, požegške pako glavni supremuš-komeš, sveto preminul je. Gospodin tih, dobrovolen vsem, pobožen, marliv, razloga osebujnoga, skrbliv bolje za orsaga i domovine nego za svoju hasen. Vdovec vumrl je i pod Okičem vu fraterske sv. Leonarda cirkve poleg odlučenja svojega zakopan. Po smrti ovoga namesnik bana iliti locumtenens postal je grof general Adam de Batthyan. Šereg glinski mesto novoga locumtenensa grof Krištof Oršić zadobil kako i obersteriju je. Oberstleitinant imenuvan je baron Brnaković 37 iz Sklavonije. Požegške pako varmegje dan je za supremuš-komeša biskup bosanski Jožef Čolnić. Petrina takaj, da orsagu izručiti ima se, zapoved došla je. Zato general Petazzi od strani Varaždinske generalije ovu gnu Januš Bužanu, od orsaga na ov posel poslanomu i odlučenomu, je izručil. Ov pako potle taki šeregom novem Banskeh krajin, koji i vu noj ostali su, i stopa kvartere nutre postavili. Da grof novi locumtenens na čast vpeljan bude, hotejuči ovo stric njegov ban horvatcki imati, 9. juliuša i vpeljan je. Vu Ludbreg tja za pozdravit ga i pozvati poslani pred njega bili su baron Marko Pejačević, sremske varmegje supremuškomeš, gdin Stefan Pute, 38 lektor zagrebečki, i banske tabule ašešor Januš Saić, vicekomeš križevečki. Potle pak pred njega išli su na put baron Stefan Patačić i z drugemi. Na putu banderiumi najmre Patačićianski, Draškovićianski, Erdedianski i biskupov z kaptolomskem čakali su ga i sprovagjali. Gdin biskup vu Sesvetah je ga dočakal i več gospode na konjeh i vu hintoveh, koji i vu Zagreb ž njim išli su. Od Manduševca soldati krajinski, konjički i pešički redom čez Harmicu mimo sv. Margarete iduč do vrat Mesničkeh stali su. Med koje grof jahal je i ž njim general Petazzi i drugi vnogi. Došel je vu hiše na varošu Draškovićianske, svoj najmre kvarter, kade od gospode onde njega čekajuče bil je pozdravlen. Drugi dan gdin biskup zagrebečki, kako na ov posel odlučen komisar, vu orsačke dopeljan hiše, pred vsemi je ga vpeljal i na banskoga locumtenensa postavu. Soldati pri Kleffeltu svoj obed imali su, drugi pri grofu locumtenensu. Cei dan hitani jesu štuki i mužari. Soldati na večer ogejn napravili. Ove pako dneve neizgovorna vrućina bila je, da vojnikov več omeglelo jest od prevelike sparine. Zatem dneve tekuće orsačko bilo je spravihče. Vu kojem baron Stefan Patačić imal je zapoved pri Novom gradu za Karlovcem na Dobre most zezidati. Orsag tulikaj pri Karlovcu na Kupe most napraviti odlučil je i potle pričel i pogodil se z grofom generalom Jožef Draškovićem za drvo potrebno, da ga najmre vuzme iz Steničnjaka, njegovoga držanja. Vu juliušu mesecu Anton Setwitz vu generaliju karlovečku za oberstleitinanta je odišel i čez malo onde po smrti oberstara Petazzi oberstariju i regiment ogulinski je zadobil. Po marlivosti Kleffelta soldačke plače oficerom povekšane su i jednake kako i vu bližneh generalijah vučinene, dapače prostem, koji na straže budu, za svaki dan dva krajcari da budu plačani, je dokončano. Ovo leto vu Sklavonije dolne gdin biskup zagrebečki na fare sklavonske plebanuše je postavil i vrgel, kojeh onde ni bilo, potlakam mesta ona od turskoga ladanja oslobogjena su. Nego patri franciškani po oneh farah bili su, koji kajti i gusto premenjali su se i zakona njihovoga fare držati ne bi bilo, da ljuctvo ono svoga spozna pastira i navad vsakojačkeh ostavi se, ne samo svoje plebanuše i kapelane zadobili su, nego vu Požege i Duhovni sud je izdignjen i za slavonsku decu seminarium podignjen, kojega z osebujnum svojum darežlivostjum gdin biskup prez druge fundacije zdržava. General Petazzi tulikaj vu generalije varaždinske vnoga je vučinil za napredek Ijuctva i tulikaj vere, ar leto ovo vu pričetku septembra klošter, Mar ču zvani, za katolike zakona grčkoga z rimskum cirkvum zjedinane negda podignjen i tolvajskem načinom leto 1737. dan 19. juniuša od šizmatikov popalen, razbit, vuzet i od njih držan, ze vsem mirom, dapače generalije privolenjem, po oberstleitinantu MikašiBarun Šimun Brnaković. Kanonik Stjepan Putz.
