VIESTNIK 9-10. (ZAGREB, 1941.)

Strana - 187

vnd Zue disem noch vnbezalt ausstendig Zweytaussent vierhundert fünfftzig zween gulden zween Patzen ain Pfenning ... 2452 fl. 2 pz. 1 dn. Die doch numehr auch Lenngst vnd ein mehrers zu dises werckhs ^ ^] notturfften ann denselben orthen werden Aussgeben sein worden, Vnnd also wie gemelt nichts Inn Vorath. Hatt sich Herr Hannss Vngnad etc. Jetzt wider wie allweg, vnangesehen, seines vmb gottes worts willen auff sich tragenden Exilij vnd der Zeit geringenstattens, Inn erwegung der grossen Nutzbarkheit, so den Armen Verplendten, menschen durch dises mittl khan Zuestehen, fürnemblich aber vmb der Ehr gottes, vnd Preiss seines Heilligsten Namens Willen, Christlich erpotten Zue disem gottseiligen werckh All sein vermüg Zusetzen, wie Auch Seine Gnaden Abermalis, wie vorhin schon Angefangen, Auff Alle tegliche dises werckhs notturfften gelt Zugeben, damit dises nit erlige, sonnder mit Allen Crefften gefürdert werde. Was nun Inn disen Dreyen Jaren, des Ain, Zway vnd Dreyvndsechtzigisten Jarn, von solchen Vncosten getruckht worden, was für Christliche Buecher, wochin die geschickht, vnd wie die Abgehn, Auch ob vnnd wie Sy Versilbert werden, das wirdt Inn der sonnderbaren Buechraittung, vnd Nebenberichten khünden verstanden werden, darauff man sich diss orths refferiert, vnd dise drey sechtzigist Järigen Raittung damit beschlossen wirdet. Datum Tübingn Anno S. Jörgen Tag den 23. Aprilis im 64. Jar. Hanns Vngnad freyherr zue Sonnegg etc. [Str. 14 a] m. p. (L. S.) Antonius Dalmata Stephanus Consul Philip Gugger manu propria scripsi manu propria m. p. (L. S.) (L. S.) (L. S.) Ails hieuor gemelt, das auff khünfftige dises werckhs Aussgaben khein gellt Inn Vorrath, vnd Herr Hannss Vngnad etc. sich erpotten, ausser alles vorigen darlehen noch weiter die notturfft fürzustreckhen, bis der liebe Gott mehrere Hilff schickht, welche Er Herr Vngnad Zuerlangen alles vleiss will nachdenckhen oder die buecher verkhaufft, wirdt hie Angezaigt, das man Jetzt Zue des Bibl vnd Haussspostill Lutherj noch 2 Chrabatische Alphabet von neuem Muess schneiden, Justiren vnd giessen lassen, Auch noch 2 Lateinische Alphabet giessen, Zue denen Georgius Grueppenbacher die Matrices wirdt leichen, vnd zum dritten, Dieweil denen Dreyen Jaren herumb, die ersten buchstaben, durch das streng vnnd embsig truckhen sehr abgetruckht, Das auch vor der Zeit etlich darunder erneuert werden müessen vnd man nun jetzt wider gemelte grosse werckh darmit truckhen solte, haben die Löblichen Herrn Fürstlichen Comissarien vernünftigelich Zuerwegn, das es nit wirdt sein khünden, auch ein grosser vbelstandt were, Das ein Beuchstab hoch der Annder, tieff stiende, vnd die hoch notturfft erfordert, das disse Alle Auch von neuem vmbgegossen werden, auff Weichs Alles dann Auch ein grosser Costen lauffen wirdet. vnd Herr Hannss Vngnad etc. sechn will, wie er Im thue, damit dises Stattlich vnd notturfftigelich Verricht vnd verfertigt werde, Dann kleine hoffnung, das vil gelt aus den Püechern gepracht, vnd so man das werckh Christenlich will fürdern khein gelt muess angesehen, sonnder die buecher vmb halb gelt vnd schenckh weiss vnder die Leuth gepracht werden, ob sy doch durch dises mittel Zue einem Lust die Augen [Str. 14 bj gegen dem Liecht auffzuthuen bewegt, vnd will der Herr Vngnad etc. den