VIESTNIK 9-10. (ZAGREB, 1941.)

Strana - 177

177 Wiewol man Nun Inn Vnnd bey solchem gemelten grosen Vncosten, vil schöne treffliche vnd Christliche buecher inn genannten sprachen transsferiert vnd getruckht, also das derselbig Vncosten nit allain nit vergeblich abganngen, sonnder Gott Lob Ann Villen Orthen, Vil Guets geschafft, vnnd aus der gnaden Gottes inn derselben menschen Hertzen Zue einem Anfang vnnd inn disser khurzen Zeit der Zwaier Jar reichlich gewürckht, So ist doch noch der Zeit Inn diesen Büechern khein Stattlicher Vertrib vnd Versilberung, das sy sich selbs verlegten, Wie die Vrsachen desselben Inn dem Nebenbericht aussgefüert, vnnd Inn Ansehung, das sider diser Werckh angefangen, vil Zeit hingangen, bis die buecher getruckht, gebunden, vnd so weit hinein gefüert worden, Auch dieselben Khünigreich vnd Lanndt, so weit, das wan Gott der Herr die Zeyt wirdt schickhen welchs vnzweifflig vnd vnangesehn Aller dess [Str. 2 b] teuffels vnnd seiner Anhenger der Baals Pfaffen Verhinderung Zuhoffen, das man dise buecher frey offenlich lesen, fail haben, vnd verkhauffen wirdt dürffen, man nit genueg dern buecher wirdt khünden nachtruckhen, vnd vnaussprechichen nutz würckhen. Aus dissen mit khürtz erzelten Vrsachen, so man Annderst dises Christliche Werckh nit erliegen lassen, Sonnder die ehre dess Allerchöchsten, auch dess negsten Zeitliche vnd Ewige wolfart vnd Selligkhait weiter befürdern wollen, Ist man bewegt vnd gedrungen worden, zuuerdrist die. Rö. Khün. Mat. vnnsern Allergnedigsten Harm, Auch den Hochlöblichen Christlichen Hertzogen Zeu Wurtemberg etc. vnnsern Gnedigen Fürsten vnnd Herrn, Vnnd dann Andere mehr Christliche vnd der Augspurgerischen Confession verwante Fürsten, Stenndt vnd Statt, vmb ein mehrere Christliche Hilff Zuersuchen vnd Anzulangen, die sich auch Zue solchem gantz genedigst vnd Christenlich erzaigt, wie Nachfolgt: Empfang. Die Römische Königliche Mayestät Maximiiianus vnnser allergnedigister [Str. 3 a] Herr hat Zue disem Christlichem Werckh abermals Allergenedigst geraicht, Zwey hundert gulden Rh. inn müntz, Laut Ambrosien Fröhlichs Raittung hernach ... 200 fl. Der durchleuchtig vnd Hochgeborn Fürst vnd Herr, Herr Christstoff Hertzog Zue Wurtemberg vnd Tegkh graff Zue Mumpelgart etc. hat Zue disem Christlichen Werckh dises drey vnd sechtzigist Jar abermals dreyhundert guldn gnedigelich verordent... 300 fl. Mehr hatt Hochgedachter Hertzog Zue Wurtemberg etc. Beeden geistlichen Herrn Dollmetschern vnd Correctoren, die hie Zue Vrach bey dem Truckh, Alls dem Herrn Antonio Dalmata Zue Pösserung seiner Vnderhaltung, dreissig gulden vnd Herrn Stephano Consul] den Hausszinss alhie Zwelff gulden durch Seiner Fürstlichen Gnaden Geistlichen Verwalter Georg Ruelin, disses dreyundsechtzigisten Jar aus gnaden vnd Fürstlichen Christlichen gemüet bezallen lassen, thuet Zwayvndviertzig guldn... 42 fl. Der Durchleuchtig vnd Hochgeborn Fürst vnd Herr Philips der Eliter Landtgraff Zue Hessen etc. hat Zue disem Christlichen Werckh Abermalis gnedigelich geraicht Ainhundert Thaller, die hie Inn Urach endpfangen worden, Laut Seiner Fürstl. Gnaden gnedigen Schreibens, Ain per Sibenzehn Patzen gerechent, thuet Ainhundert dreyzechen gulden fünff patzen... 113 fl. 6 pz.