VJESNIK 8. (ZAGREB, 1939.)
Strana - 58
58 optužena na muku položena, ar pokehdob da ni bilo suprot nie svedočanstvo, stanovito vu pravde vučinjeno, polag kateroga ako bi se nebila odprisegla, da je morala smert podjeti. Tako de necesse moralo se je na muku verči, (quia nemo secus nisi ex certis veris et evidentibus probis de recto ordine iuris ad mortem condemnari potest), a one probe nit pravde napervo dane nekoje su ex solo auditu, nekoje pako et ore consanguineorum, qui consanguineos suos criminaliter accusare nequeunt, na koje pako ex solis allis personis, quae se ab ipsa injuriatos esse praetendunt, kotere peršone same polag želje i za se svedočiti nemogu, nego bi morala tertia persona biti testis validus, koja bi znala kak su se med nimi dugovanja pripetili povedati. Kotera žena na muke ništar ne tako\oga, što se je in actione ili drugoga, koja bi smerti vredna bila valuvala, za to vsem nam se onde videlo a da bi posita morala biti, ništar manje do vašega gosp. volje i resolutie je vu tamnicu položena. Nego moramo v. gospoctvu veliku musiku od gospodina Mallekoczia pisati vučinjenu, da je dvoje galge, jedne se noči, a druge se ga jutra vašemu gospoctvu na sramotu vučinil prošeci na falate, i sam tamo dohajal je kada su je podsekli, doklam vašega gospoctva ljudi zevsema spravni nesu bili doli, zaran nekuliko muži, koi su onde galge delali, koteri muži nesu se i nisu smeli boriti. Ništar manje sada se je ovde examen dokonjal, tamo smo pošli od locum suplicii, kade pokeh dob da su galge i loitra presečene bile, tako podpunoma želeči mi onde vašega gospoctva iurisdictiu i authoritas potverditi, jesmo mu onde vučinili glavu odseči, ufajući se da se v. g. zato nebudete serdeli, pokle kam da smo i na tamo bili zašli i on je pripraven k smerti bil. Ostalo pako hoćete v. g. od kneza Barleviča (?) obilnie razumeti, z tem v. g. gospodin bog zdravo derži, a nimi v. g. vu čem znate dale zapovidajte. Datum Oroslavje, die 29. mensis martii anno domini 1675. Manendo spectab. ac magn. dom. vestrae servus semper obligatissimus. Januš Vojoković m. p. P. S. Ponizno prosi v. g. knez Miloš, da bi dostojali lovaza Lovreka Benka prieti radi perstena, koterega je od Ruka priel i kam ga je dal, kako iz ove confessatie hoćete v. g. razumeti. Naslov na hrbtu. Original, pečat na hrbtu. U drž. arkivu u Zagrebu. Arch. Sermage-Čikulin missiles. — Protiv spomenutoga Grgura Ruka vodjena je istraga u Oroslavju 29. marta 1675. Na mukama je iskazao razne počinjene kradje, a medju inim priznao je, da je supruzi Cikulina neka Kranjica Margareta služavka pl. Gjure Miloša ukrala prsten, koji je došao u ruke kočijaša Čikulinova Lovre Geta. (Na istom mjestu.)
