VJESNIK 8. (ZAGREB, 1939.)

Strana - 41

41 stišće meji pod kućum mojum. I postavih rečeno mestišće na kanat po zakonu grada Bribira kantati nedilje 3 pred crikvum katridalum, ča je pred svetim Petrom. Na pervom kantu bi dan zamirni svedok Tomko Sušić, na drugom kantu bi dan Grgur Budić, na tretom kantu bi dan Mikula Lovrenčić i stekoše kanti i klici po zakonu grada Bribira i bi da dan svestel od porkulaba Matij Ugrin, ki zapelja i zavede rečeno mestišće i ča k njemu pristoji rečenoj Jeleni, njoj i nje ostanku, vičnim zakonom. I ozva se rečeni Matij Županić plaćen i kuntenat do beča i soldina pred sucem Mikulum Dražićem, drugi svedok svistel Matij Ugrin, 3. svedok Matij Martinčić. I ja Matij Ivanušić budući kanciler va to doba, ki pisah ta ištrument pravo i verno, ča čuh i slišah na svedočastvo zgora imenovanih i stavih moje ime i pridivak običajni. Iz varia. Za mestišće od Matija Županića. Original na papiru u drzav. arkivu u Zagrebu. Pecala nema. 18. 1670. 11. prosinca. Na Panaču. Pop Mikula Čubranić prodaje komad zemlje popu Mihovilu Šeršiću. 1670. na 11. decembra. Činim pismo moju ruku vlašću ja pop Mikula Čubranić, kako dajem i prodajem jedan kus zemlje na Panači, trsi nutri stare, vrbaka nji tri, u kunfini rečenomu mestu, z bure zemlja ali sad Ivana Šeršića i z juga, z garbina zemlja Pavla Dujmovića, s trmuntane drmun kapitulski, a to popu Milovilu Šeršiću za cenu libar 400 i 4. Za ko rečeno mesto polažem sa moja dobra, ka su a ka budu, mantinat rečenu prodaju rečenomu popu Mihovilu i ozivam se plaćen rečenih 400 i 4. Pisah moju ruku vlašću ja pop Mikula Čubranić. Iz vana. Pismo za Panač od popa Čubranovića, — drugom rukom: Pismo za Panača popa Mihovila Šeršića. Original na papiru u drzav. arkivu u Zagrebu. Pečata nema.