VJESNIK 7. (ZAGREB, 1937.)

Strana - 158

158 1. 1562. 14. februara u Jastrebarskom. Nos Petrus Erdewdy de Monyorokerek, comes, perpetuus Montis Claudii, ac regnorum Dalmacie, Croacie et Sclauonie banus. Memorie commendamus tenore presencium significantes quibus expedit universis, quod cum nos ad nonnulloruni fidelium familiarium nostrorum diligentissimam instanciam nobis pro parte prudentis viri Nicolai Iwanchych de Dworyan factam, tum uero attentis et consideratis fide et fidelitate fidelium seruiciorum gratuitis meritis, quibus ipse ab olim predecessoribus nostris, potissimum magnifico domino condam Petro Erdewdy, seniori, pie memorie, domino videlicet et genitori nostro charissimo, deinde et nobis sub diuersitate temporum, non parcendo persone, rebus et impensis, fideliter et constanter iuxta sue possibilitatis exigenciam gratum et acceptum reddidit, qui videlicet de nostra necessitate plurima itinera uiarum eaque periculosissima non abhoruit sufferre et perpeti, in futurumque eo maiora seruiturum promitteret, quandam integram sessionem Ztaro zelo dworno vocatam, que nunc a diuisionis porcione fratrum suorum carnalium in suam et fratris sui Joannis partem cessisset, cui quidem a parte inferiori secus domum in eadem sessione constructam versus plagatn occidentalem fons flueret, et a parte superiori ad plagam scilicet orientalem terre dicte sessionis haberentur, omnino in pertinenciis prefati castri nostri Jaztrebarzka, sub iudicatu prouincie Ladanye uocate, ad eundem Castrum spectantes, in comitatu Zagrabiensi, existentem habitam, simul cum cunctis eiusdem sessionis integre utilitatibus, fructuositatibus et pertinenciis quibuslibet, terris scilicet arabilibus cultis et incultis, agris, pratis, pascuis campis, fenetis, siluis, nemoribus, montibus, vallibus, vineis vinearumque promontoriis, aquis, fluuiis, piscinis, piscaturis aquarumque decursibus, molendinis et eorundem locis, generaliter uero quarumlibet utiiitatum et pertinenciarum eiusdem integritatibus quouis nominis vocabulo uocitatis, sub suis veris metis et antiquis limitibus existentibus, ad eandem sessionem spectantibus et pertinere debentibus, memorato Nicolao Iwanchych, et per eum Joanni similiter Iwanchych dicto, fratri suo carnali, heredibusque et posteritatibus eorundem uniuersis, noue nostre donacionis titulo et omni eo iure, quo nostre incumbit collacioni, dedimus, donauimus et contulimus, ac insuper ex uberiori nostra gracia in prefatum Nicolaum Iwanchych, eundem ueluti personam rusticam e medio aliorum colonorum in dicta Dworyan aut eciam in prefata prouincia commorancium, ac a statu ignobilitatis et rusticitatis, in qua hactenus fuit, eximendo cetuique uerorum nobilium nostrorum ubiuis in bonis nostris commorancium aggregantes. Prêter hec eciam prefatum Nicolaum et Joannem Iwanchych, heredesque et posteritates eorundem universas ab universis taxarum nostrarum, tarn ordinariarum quam extraordinariarum, aliorumque quorumcumque censuum, contribucionum et obuencionum solucionibus et seruiciorum oneribus, nobis alias proveniencium et prouenire debencium liberandos, eximendos et supportandos duximus, immo damus, donamus et conferimus iure perpetuo et irreuocabiliter prefatam sessionem tenendam, possidendam pariter et habendam. Et nihilominus eundem Nicolaum et Joannem Iwanchych, heredesque et posteritates ipsorum universas libertamus, eximimus atque supportamus presencium per vigorem. Quorcirca vobis universis egregiis et nobilibus castellanis, prouisoribus prefati castri nostri Jaztrebarzka, necnon prouidis spanis eiusdem castri et iudicibus dicte prouincie Ladanye uocate, aut eorum vices gerentibus, item dicatoribus et exactoribus prefatarum taxarum ordinariarum et extraordinariarum, ac censuum et aliorum quorumlibet solucionum in dictis Castro et prouincia pro tempore constitutis harum série firmiter precipiendo commitimus