VJESNIK 6. (ZAGREB, 1931.)

Strana - 71

71 1. Jeli, i kakovu i od kojega vremena ova obćina urbarium ima? Urbariuma nikakvoga nimamo nego Privilegium Leopolda cesara letta 1657., koi i druge vugarskeh kraljov pravice nam daneh potverdjava pod lit. A

1

). 2. Gde za sada obćina nikakvoga urbariuma nima, jeli gospodski podanki poleg vučinjenoga contracta ali pak poleg navade obćinske od podložnikov davali se jesu? Ako tak, od kojega vremena alli ovakova navada ali vučinjen contract pričel se je, i napravljen? i jeli pred vezdašnum pogodbum ali urbariumom nekakova druga i kakova ona je bila, i kada vezdasna služba svoj pričetek vuzela? Podanke gospode naše dajemo poleg navade kakti i stareši naši od negda davali jesu, kako odzdol obelnije povemo. 3. Gde nikakoveh urbariumoveh niti contracta znajti ni, vu čem od zemalske gospode pobirane i navadum potvredjene dacie i podanki stoje i kada; ter na kakav način pričele se jesu? Mi vsi skupa obćinskim načinom od našeh sel negda davali smo peneze, kopune, pišćence i kokoši, koje vezda vu naturi ne dajemo, nego vu gotovom novcu dajemo vu grad Kerestinec o Martinju rajnčki 51, takaj kak stimamo iz pisma pod B

2

) i C

3

) davali smo foringe, koje odkupljujemo 30 flor. Desetinu od kernjakov i pčelčev na ov način dajemo, da koj zmed nas ima na punom 10 alli kuliko goder više kernjakov alli pčelčev, od takovih zmed bolšeh tretega jednoga gradu dati mora, gde pako deseti broj ne spunjava se, od sake glave 1 krajcar plaćamo. 4. Kakove hasne, alli kvare, kakti hasnih alli kvarov prilike mesto ovo poleg obćinskoga znanja ima? Zemlje naše gda se nagnoje, koje na mesta čisto nizinaste nisu, sredno rodovite jesu. Senokoš za našu potreboću imamo dosta, seno dobro i pitovno daju, ottavu iz nih ne dobivamo, kajti kesno okolo Trojakov gaimo

4

) i okolo Velike Maše kosimo. *) Prilog: Povelja kralja Leopolda [. od 1657. 11. aug. Vidi dokum. br. 118. 2

) Prilog isprava čazman. kaptola od 23. januara 1699. Vidi dok. 158. 3

) Prilog isprava Nikole Perčavića od 21. novembra 1455. Vidi dok. 22. 4

) U latin, prijevodu »subhastamus«.