VJESNIK 5. (ZAGREB, 1931.)
Strana - 107
107 monatlicher Gage zur Abfertigung versehener an die Adeliche Turopoljer Czvetkovichaner Gemeinde des Agramer Comitadts übergeben worden sind. Signatum Agram, den. 5. Maj 801. Angerer. Michael Vitkovich, Hauppmon. Original u arkivu općine Cvetkovići. ! 240. 1801. 6. maja. U Zagrebu. Kapetan Mihalj Vitković i nadporučnik Ivan Trumbetaš izdaju svjedodžbu cvetkovićkim ustašama. Mi zdola podpisani z jakostjum ovoga szvedochanszkoga piszma poleg dusnoszti chaszti nasse ochiveszto valujemo i szvedochimo, da letta 1797. najmre z prilikum po szlavnom vugerszkom i horvatszkom orszagu szuprot Franczuzom zkup szpravlyene obchinszke insurectie priviligirana obchina Czvetkovich od kotara szvojega trideszet insurgentov mlade, najmre i jake ter za orusje i osztalu szlusbu szoldachku prikladne domorodcze szvoje za obrambu preszvetle hisse Austrianszke i osztaleh odvetnih orszagov vu tabor odredila i vu plemenitoga Turopolya Compagniu izruchila je: Da takove poleg odluchenya veksseh poglavarov vu prenapiszanoga plemenitoga Turopolya compagniu priete z opravum szoldachkum illiti mondurom, orusjem i osztalemi szoldatu potrebnemi z szvojem lasztovitem sztroskom presz vszakoga czesarzkoga, ali kakvoga goder drugoga imena casze terha obszkerbela, ne drugach iszte insurgente szvoje na previszoku kralyevszku szluzbu szoldachku zevjzema z potrebnemi obszkerlyene y pripravne od 1. iuniussa letta 1797. do 8. januara 1798., vremena najmre razpuschene insurrectie tak vu Zagrebu, kak takaj sse i vu Turo vom polyu vu szoldachkem exercitiumu, illiti mustri buduche z szvojem sztroskom takaisse zdersavala, nyim potrebnu hranu vu Zagreb i Turopolye posilyala, dapache vekssu volyu i nagnenye k mustri i szoldachkoi szlusbi vu nyh zbuditi selejucha ober navadne hrane vszakomu na dan 6 krajczarov do vremena razpuschenya insurectie davala je. Da szpomenuti insurgent vu exercitiumu i osztalom za szoldachki sztaliss potrebnom navuku oszebuinu marlivoszt i hvale vreden napredek jeszu vuchinili na tuliko, da vu vszake potreboche pripechenyu z regularnemi szoldati szuprot nepriatela orusje zdichi hasznovito i szegurno vu tabor odprviti bi sze bili mogli.
