VJESNIK 3. (ZAGREB, 1928.)
Strana - 107
107 83. 1594. mjeseca augusta. Hrvatski stališi pišu kralju Rudolf u II. o odredbama pogledom na gradnju utvrda na Kupi, a naročito Bresta, kamo su i Cvetkovićani odred jeni. Serenissime rex, domine, domine clementissime. Afflicti status dei omnipotents et vestrae serenitatis auxilio execrando Castro Petrinia combusto et fluvio Colapis obtento, deo omnipotenti summas gratias agunt, vestrae autem serenitati sua humilima et perpétua servitia offerunt, deum omnipotentem vnanimi voto orantes, ut vestram serenitatem nobis et vicinis provinciis omnibus fortunae dotibus arridentibus ad optatos annos conservet Quantum attinet ad distractionem combustae arcis et turrium ac erectionem pro nunc fortalicii in Brezt, ubi serenitati vestrae visum fuerit, status a singulis fumis antea praestitos sclopetarios duos ex comitatu Varasdiensi supra équités in processu Janchecz vtriusque Herkffy in laboratores convertunt; in comitatu Zagrabiensi et Crisiensi supra iumenta et homines iam praestitos, a singulis duobus fumis laboratorem vnum. Pro vectura autem processum Georgii Prenar vsque ad montem Hochwram a sex fumis currum vnum, fratres Heremitae in Lepaglava currus sex, dominus comes a Zrinio supra iumenta, quae administravit, currus septem. Oppidum Zamobor currus duos, bona domini Tersachky currus duodecim, Rechicza domini Nadasdy currus quattuor, Draganychy et Czwetkowychy currus quattuor, et ut praedicti currus ac absentes laboratores omnes sexto die hic compareant. Absentes vero et inobedientes a singulis fumis per florenos decern, quoties tocies négligèrent ad praemissa seruanda per vadiationes solitas compellantur in duobus regno, in tertio vero vicecomitibus et iudicibus nobilium. Officiales vero praemissi laboris vicebanus Joannes Pogledych, Joannes Mykwlych et Georgius Jambrekowych ac Georgius Prenar constituuntur. Caeterum optime constat vestrae serenitati nos miseros status per continua bella et famem in extremam paupertatem devenisse, neque a nobis ipsis hoc possibile esset, vt fluuius Colapis fortaliciis necessariis sine auxilio caesareae maiestatis, vestrae serenitatis et vicinarum provinciarum muniri commode posset. Supplicamus serenitati vestrae humilime, vt modum inueniat, quo omnia renovari et in meliorem quam antea formam redigi possent, nos autem pro nostro posse nobis ipsis non deerimus. Vestrae serentatis humilimi seruitores. Vniuersitas dominorum et nobilium regni Sclauoniae. Savremeni prijepisi u ratnom arhivu u Beču: Innerösterr. Hofkriegsrat 1594. August n, 43. — Šišić: Monum. comitialia IV. p, 315—316.
