VJESNIK 2. (ZAGREB, 1926.)
Strana - 179
179 2. U Kastvu, 12. veljače 1531. Petru Furicu daje njegova sestra Perpeta svoj dio očinstva. V ime božie, amen, let g(ospo)dnih 1531 pervara na dni 12., i to b(u)d(u)ći v grade Kastve v kući Kolmana Zorići(ća) i tu b(u)d(u)ći Petar Furić i tolikai Kolman, njegova svak, i tu se načinista i kordasta dobrovolnim zakonom kako prijateli s prijateli. I tako se načini više imenovani Petar svoim svakom više imenovanim i svoju sestru Perpetu, da ta ista sestra nemu da i darova svoi del otačastva svoga, ča nei pristoi, i da ne mozi nigdande niedan od mo(je) obiteli ni od moih večnim zakonom v niedno vrime potrebovati niednoga blaga od toga brata Petra ni od negovih večnim zakonom. I ja Petar više imenovani noi paki daem dobrovolnim načinom ovac moih 9 i s janeti sada o mlade lete i tolikae moei sestri Perpeti 1 kotigu, ka b(u)de valala 1 dukat, dat i 1 suknu od domaće raše. Pri tom i na to biše na svedočastvo prizvani i prošeni po(č)tovani muži Mihovil Tkalčić, Ivan Jurković, Mikula Zubar, Baldak Militonić. Izvana: Način Petričin s Kolmanom i š nega ženu Perpetu. Glagolski se original nalazi u dri. arhivu u Zagrebu. 3. U Kastvu, 8. prosinca 1537. Priznaje se prodaja jedne zemlje Petru Fnriću od Domenige Kokrušićke. V ime Isukrstovo, am(e)n. Let ot rojstva g(ospo)d(i)na 1537. v dikcion deseti i v dan osmi mes(e)ca decembra v grade Kastve v hiše prebivanija mene kancilera niže podpisanoga, svedoci zvani i prošeni dobri muži prvo Ivan Jušić, drugo Brnardin Benčić, oba grajanina v rečenom grade Kastve. Ondi nazoče budući Frančisko sin bivšega Mikuli Kokrušića Cresanina. Ki Frančisko da, budući muž Dominige, kćere bivšega Mohora Lemešića Kastlanina, budući v minuće vreme više imenovana Domeniga poreditastvo svoei prodala Petru Furiću svoju polovicu svoega sela sa vsim pristojanem za l(i)b(a)r 50 i dve Hi)bre, ča est ležeće v kunfine Kastavskom v kuntrade Halubla i poli kunfini ednoga sela, ča se zove Črničino, i poli zemal bivše Ulijani Klančice i poli velike cesti i do ednih niv i zemal Mateja Tkalčića i ko bi ki drugi kunfini, budite tomu Petru s pravicu udržani v ime toga r(e)č(e)noga prodanoga sela i više toga do sada da budući rečena Domeniga od toga prapriela dinari l(i)b(a)r 40 tre 9 l(i)b(a)r, kako to isto više rećeni Frančisko potrdi, a paki prie dinari l(i)bre 3 v ime svoe ženi i pozva se plaćen i kuntent od toga r(e)čenoga Petra. I zato da ne beše za to niedno pismo stvoreno,
