VJESNIK 1. (ZAGREB, 1925.)

Strana - 108

108 Et si Ulis placuerit, transmittatur eleemosyna uia mercatorum uel uia procuratoris prouinciae per litteras Romam quamprimum patri Assisterai, ut ille eadem uia in Indias (ut quotidie solet hic fieri) mihi earn quamprimum mittat. Si meum cum fratribus negotium Deus foelicitauerit, spero et collegium et ecclesiam Zagrabiensem coronidem acceptura. Deo commendanda res est. Interim de eorum progressu, quem in hiis pingit, laetor et gaudeo. Moneo reuerentiam uestram, ut si fratres fructus ex légitima portione haereditatis hactenus perceptos omnes simul extradare uel in pecunia uel alia re aequiualente non possint, adigat eos ad eos exoluendos paulatim decursu alicuius determinati temporis. Item si omnino non possint eos exoluere in solidum, si reuerentiae uestrae uisum fuerit, poterit aliquem partem eis remittere, sed iudico, quum fieri possit, nil omnino remittendum. Fassionales latino idiomate pro vsu et consuetudine lusitanô - indicis confecit tabellio publicus almae vrbis Goae, metropolis totius Indiae, ut possent percipi et intelligi. Coeterum in toto hoc negotio faciat reuerentia uestra quod magis ei expedire uisum fuerit in domino. Agat cum imperatore et aliis, ut quamprimum executioni detur. Reuerentiae uestrae sacris orationibus et sacrificiis me commendo. Data in Indiis, idibus Martiis 1629. Seruus reuerentiae uestrae Nicolaus Georgy olim Rattkay m. p. Na hrptu: Reuerendo patri in Christo, patri rectori collegii Zagrabiensis, quicunque ille sit, societatis Jesu. Prima uia. Ex Indiis. IV. Goa u Indiji, 15. marta 1629. In nomine domini! Notum sit omnibus, qui hoc publicum mandatum siue litteras fassionales pro nostris vsu stilo et consuetudine Lusitano - Indicis confectas uiderint: idibus Martiis anni praesentis MDCXXIX. in hac alma vrbe Goa, metropoli totius Indiae, per me Franciscum Rodericium tabellionem publicum ad id generis mandata publica siue litteras fassionales conficiendas a sacra regia catholica maiestate Philippo Dei gratia quarto Hispaniarum et Lusitaniae rege in hac urbe Goana constitutum, praesentibus coram et fidem facientibus excellentissimo domino domino Ludouico de Britto a Meneses, prorege et consiliario supremo dicti serenissimi Hispaniarum et Lusitaniae regis in Indiis; item illustrissimo et reuerendissimo domino Fratre Sebastiano a Sancto Petro ordinis eremitarum diui Augustini, archiepiscopo Goano, metropolitano et primate totius Indiae; item illustrissimo domino supremo inquisitore in rebus