ARHIVSKI VJESNIK 28. (ZAGREB, 1986.)

Strana - 32

Winfried Schulze, Novi izvori za povijest slavonske seljačke bune 1573. Arhivski vjesnik, 28/1985. str. 7—44. Koncept Br. 16 1573, veljača, 16. Graz Nadvojvoda Karlo obavještava bavarskog vojvodu Abrechta o ugušivanju seljačke bune. Hochgebornner fürst, unnser freundlich diennst unnd was wir sonnst liebs unnd guets vermügen zuvor, freundlicher lieber vetter unnd vatter. Nach dem E. L. wir erst von wenig tagen was geferligkhait sich diser orthen der aufgestandnen rebellischen paurn halben erzeigt, wie sich alle sachen ansehen lassen und was etwo dagegen durch unns unnd unnsere getreue lannde an die hannd genumben berichtet. Daneben sy auch fürnemblich auf weitern zuetragenden notfall unnd unnsers verners ersuchen umb ir väterlich hillf unnd beystannd angelanngt. Haben wir numalen auch nit underlassen sollen noch wellen, sy in was stannd die sachen gedachter rebellischen paurn halben numahlen geratten, freundlich zu verstendigen, welche sich dann khürzlich also halten. Das nemblichen gedachte paurn in windischlannd (da dann erster anfangs wie E. L. hie vor verstannden aller unrath sich erregt) sowoll unserer graffschafft Cilly durch vill an allen orten von I. Khäy. Mt. windischem aufpot und kriegsvolkh, dann den unserigen erlittnen niderlagen, darunder nun ir der paurn mer als aintaused, wie die einkhumben zeittungen lautten, bliben unnd hingangen sein sollen, nunmehr got lob, so weit gedämpfft, das wir umb an bestimbten orthen nichts sonders mehr zubefarrn, unnd zu got hoffen, es werde die sachen damit maisten thails gestillt unnd furuber sein. Allain das sich an anzall dises unziffers, die villeicht aus den fürgeloffnen exempln soweit verzweifelt unnd also verstockht sein, das sy auf vorgeende weitere verbringung ires gefassten mutwillens nit vill nier nach dem zeitlichen oder ewigen verderben fragen unnd sich also one zweifei berait aller unglückhfertigkhait unndergeben haben an jezo dinnen in unnserm fürstentumb Crain gesamblt, unnd zwar wie furhkumbt allerlay mutwillen, wo sy es nur bekhumben khünden, derselben ennden treiben unnd ubl hausen sollen. Mit denen wir nun danacht noch sovil zu schaffen, das besorgentlich ausser gebrauchenden scharffen ernsts, den wir dann auch alberait verordnet bey nen auch nichts fruchtbarlichs zu richten. Aber wie dem allen so verhoffen wir zu Gott, das mit der rüsstung, so von I. Khay. Mt. unnd unns berait verhannden unnd an allen orten wider sy bestellt ist, sy bald zu geweitigen sein sollen. Sonsten khünden wir E. L. sovil woll berichten, das dise auf ruer sovil beschwärlicher nachvolg in sich gehabt unnd dermassen, wie wir yezo täglich vernemben, schon alle sachen bestellt gewesen, da wir mit 32