ARHIVSKI VJESNIK 21-22. (ZAGREB, 1978-1979.)

Strana - 260

vel in altera provinciarum Italie, ubi invenerit benevolos provinciales, qui vellint illum recipere et retinere etc. Romae, 16 aprilis 1550. 1484. Committitur reverendo magistro Gregorio de Ragusio et fratri Martiali de Catharo iudicium et causa absolutionis fratris Tiburtii Buchia de Catharo a prioratu Sebinicensi per fratrem Valerium de Tragurio, commissarium reverendi provincialis et visitatorem dicti conventus, ad inquirendum an sine causa legitur ipsum ab hoc officio et, si illum innocentem invenerint, acriter predictum commissarium puniant, abolita prius ab eo omni nota et informia manifestataque sua innocentia, si minus, nil innovent, sed omnia sub quiete, ut iacent, permittant. Insuper, ut similiter examinent causam cuiusdam infamie eidem fratri Tiburtio per fratres Jacobum Thavileum et Georgium, conversum de Sibinico, de certa summa peccunie pro dicendis missis Gregorianis, super qua fertur ilium defraudasse conventum Sibinicensem, et cum plenaria potestate absolvant inocentes et reos damnent ad luendas penas meritas. Imponitur autem ipsis, ne huiusmodi iudicia et causas incipiant, nec prosequantur, nisi adsit consensus reverendi provincialis Dalmatiae, qui in fidem, quod ratam habeat, iudicia hec per illos exerceri, litteris patentibus manum apponat. Non obstantibus etc. 28 aprilis, 1550. [ff. 93v—94r] 1485. Precipitur sub precepto in forma venerabili priori Sebnicensi moderno, ut restituât libellum quemdam cum omnibus aliis rebus, quas frater Tiburtius Buchia de Catharo in illo conventu dimiserat post absolutionem sibi factam a prioratu, si tamen in veritate illa habere debet et reddat autem ipsi fratri Tiburtio ad primam eius requisitionem vel cui per suas litteras ipse commissit, non obstante. Concessum fuit fratri Tiburtio Buchia de Catharo, ut possit mutare affiliationem suam a conventu Catharensi in alium conventum provinciae Dalmatiae. Romae, 29 aprilis 1550. 1486. Frater Philippus de Spalatro assignatur in conventu Sibinicensi. Messane, 25 iunii 1550. 1551 1487. Fratri Paulo de Jadra concessum fuit posse mutare suam affiliationem. In communi forma. Neapoli, 10 iunii 1551. 1488. Frater Georgius de Transilvania assignatus fuit in conventu Jadrensi. In forma. Neapoli, 10 iunii 1551. 1489. Frater Dominicus de Sibinico assignatur in suo conventu originali Sibinici, dummodo tamen infra duos vel tres menses ad plus in eodem conventu personaliter se presentet et non aliter. Romae, 15 augusti 1551. 1552 1490. Conceditur fratri Vincentio Duimi de Catharo, ut possit in civitate et diocesi Viglensi commorari pro negociis et servitio reverendissimi domini episcopi, germani sui, et omnia facere in dicta diocesi pro eius servitionem, que eidem mandaverit cum inhibitione, quod ab aliquo inferiori non possit ab hoc opere impediri etc. Romae, 27 iulii 1552. [f. 94v] 1491. Confirmatur magistro Dominico Buchie de Catharo quedam licentia eidem concessa per reverendissimum generalem bone memorie, quod possit revideri facere quamdam Expositionem suam super Evangelia per reverendos dominos episcopos Stagnensem et Tribuniensem ex ordine, quatenus eorum licentia relative possit illi concedi licentiam exponere predictam in publicum dari etc. Romae, 27 iulii 1552. 260