ARHIVSKI VJESNIK 19-20. (ZAGREB, 1976-1977.)

Strana - 215

marchio Moraviae, comes Tyrolis et Goritiae etc. Fidelibus nostris spectabili et magnifico Comiti Thomae Erdeody de Moniorokerek, Montis ClaudÜ et comitatus Varasdiensis perpetuo comiti, regnorum nostrorum Dalmatiae, Croatiae et Sclavoniae bano et consiliario nostro, necnon universis statibus et ordinibus dicti regni nostri Sclavoniae, simul vel divisim constitutis. Salutem et gratiam. Quoniam nos fidèles nostros, honorabiles Capitulum ecclesiae Zagrabiensis simul cum universis rebus bonis ac iuribus eorundem quibusvis possessionariis, ubilibet et in quibuscunque comitatibus eiusdem regni nostri Sclavoniae existentibus et habitis, iustis utputa et legitimis in nostram regiam recepimus protectionem et tutelam specialem, vice et in persona nostra regia, vestrae duximus committendos tuitioni et protectioni. Ideo fidelitati vestrae et vestrum singulis harum série firmissime committimus et mandamus quatenus acceptis praesentibus, praefatum Capitulum Zagrabiense in dictis universis rebus et bonis ac juribus eorundem quibusvis possessionariis, ubivis et in quibuscunque supradicti regni nostri Sclavoniae comitatibus habitis et existentibus, iustis ut praemittitur et legitimis contra quoslibet violentos et illegitimos impetitores, turbatores et damnificatores, signanter vero contra protervos et insolentes eorum subditos et colonos Kralioczenses et Dumoczenses, qui immorigeros, inobedientes dominis eorum terrestribus contumaces sese exhibere, nec debitos labores et operas praestare et novas turbas moliri contendunt tueri, protegere et defendere eosque debitis modis et mediis compescere, omnimode debeatis et teneamini. Auctoritate nostra regia, praesentibus vobis hac in parte plenarie concessa et attributa. Iureque et iustitia mediante. Secus nullatenus facturi. Praesentibus perlectis exhibenti restitutis. Datum in civitate nostra Vienna vigesima die mensis martii, anno Domini millesimo sexcentesimo decimo. Regnorum nostrorum Hungariae et reliquorum anno secundo. Mathias, manu propria. Valentinus Leepes, episcopus Nitriensis, manu propria. Himerreich, manu propria. Kaptolski arhiv u Zagrebu, ACA, sv. 24, br. 46. 34. 1610, ožujak 25. Beč. Kralj Matija II naređuje banu Tomi Erdödyju i hrvatskom saboru da pozovu kmetove iz Kraljevca da se pokore Zagrebačkom kaptolu, a ako i dalje ostanu nepokorni da ih strogo kazne. Mathias secundus Dei gratia Hungariae, Dalmatiae, Croatiae, Sclavoniae etc. rex. Designatus in regem Bohemiae, archidux Austriae, nux Burgundiae, marchio Moraviae, comes Tyrolis etc. Fidelibus nostris universis et singulis, reverendis, spectabilibus magnificis. egregiis et nobilius, prudentibus item ac circumspectis Comiti Thomae Erdeody de Moniorokerek, Montis Claudii et comitatus Warasdiensis perpetuo comiti, regnorum Dalmatiae, Croatiae et Sclavoniae bano et consiliario nostro, caeterisque universis Statibus et Ordinibus regni nostri Sclavoniae, simul vel divisim constitutis, praesentes nostras visuris, salutem et gratiam. Ex querulosa supplicatione fidelium nostrorum honorabilium Capituli ecclesiae Zagrabiensis nobis oblata atque etiam aliis fidedignis relationibus, summa cum displicentia intelleximus. Qualiter ipsius Capituli Zagrabiensis coloni et subditi Cralocenses nominati in regno hoc nostro Sclavoniae commorantes, nescitur unde moti, quave audacia et temeritate 215