ARHIVSKI VJESNIK 17-18. (ZAGREB, 1974-1975.)

Strana - 98

Kraliocz venisset, subditi et coloni contribuebant pro posse commestibilia hominibus et equis necessaria, quae a tempore licentiationis usque ad 14. septembris facere contumaciter et ingrate iussi et moniti neglexerunt, quae aperta contumatia est in qua eosdem convinci pro qualibet vice petimus. Praeterea idem coloni singuli decano seu decimatori frugum semper tenebantur numerale pullum unum, in specie vel valorem ipsius, quem pre— xime praeterita decimatione contumacia ducti dare denegarunt, in qua eorum singulum in eadem convinci postulant. Ittem conqueruntur contra Georgium Preznecz et Antonium Malchich, Valentinum Kwsnich, Lucana Tomkovich, qualiter anno praesenti 18. iunii hora noctis 11 circiter, sub termino videlicet licentiationis, venerunt ad portam castelli Kraliocz in comitatu Zagrabiensi, ac excitatis clamoribus conclamaverunt ad portarios et alios custodes eiusdem castelli, cur nobis claudatis castellum nosque non intromittatis, cum castellum sit Suae Maiestatis et nostrum qui illud aedificavimus, protestatique sunt sub mille florenis hungaricalibus, quos pro tali actu indecenti ac contra Dominos suos terrestres patratum tanquam contra turbatores publicos et ingratos, qui tam leviter Dominos suos proprietate nudare conati sunt, iudicium petunt. Praeterea conqueruntur contra eundem Georgium Praznecz, Antonium Malchich, Valentinum Kwsnich qui villicum Dwmocensem Matthiam Jagwsth anno praesenti prima die iulii ad rippam fossae praedicti castelli Kraliocz stantem et Privilegium, quod simul idem cum Kraliocensibus communitas Dwmowcz haberet, peteret, eundem conviciose tractaverint dicendo: newernik, kakohyh prawycz od naz prozis, nedamottyh, ne znas thy stho zw pwrgary Kralyowechki, ac eundem villicum in praesentia eorum, de eorum utpote voluntate, Ambrosius Godechich in ipsum fossatum aqua plenum proiceit, ita ut vix mortem evaserit, quem Godechich ibidem statim neglectis officialibus Dominorum et Dominis ipsis terrestribus Georgius Preznecz, nescritur qua autoritate praesumpta, colonum nostrum existentem, baculo enormiter excepit, contra quos singulos singilatim violentias et actus praescriptos proponimus ac eosdem singulos convinci pro demerito postulamus. Praeterea cum iidem praescripti coloni anno praesenti, 16. die augusti, in domo Jacobi Zthwblych in Kraliocz habita, in Consilio eorum rusticali essent, colonum nostrum Benedictum Gerdinich in eadem Kralyocz commorantem graviter percusserunt, quern nisi uxor praegnans defendisset vix mortem evasisset ibidem, quos singulos in homagio mortuo et potentia convinci petimus. Praeterea conqueruntur contra Antonium Benkovich aliter Malchich et Valentinum Kwsnich qui anno praesenti in festo sancti Augustini in Ottok Dominorum Capituli Zagrabiensis, in dicto comitatu Zagrabiensi, Blasium Halawwnich aliter Dyanchich colonum et officialem nostrum de Kobiliak ad Dwmowcz in eodem comitatu Zagrabiensi graviter matrakone percusserunt, quos in homagio convinci et in potentia agravare petunt. Praeterea idem Valentinus Kwsnych Ioannem Zampak, de dieta Kraliocz, 6. die septembris anni praesentis, in platea seu vico ante praedictum castellum verbis admodum iniuriosis affecerit, da nyema ny dwse ny thyela. Praeterea conqueruntur contra Ioannem Merdettich qui 7. die septembris anni prasenti ante idem castellum in Palank vocatum per illos w warassw praesente spano Capituli ac castellano portariisque praedicti castelli Kraliocz Matteum Twrhan colonum nostrum gravibus vitepuriis affecerit dicendo: 98