ARHIVSKI VJESNIK 17-18. (ZAGREB, 1974-1975.)

Strana - 34

de sora, la qual tauolela i nostri scriuani debia asumer tuor et meter in una bereta, capelo ouer ordegno che possa chapar le ditee tauolele, sconzurando i tuti nostri scriuani per el sacramento che ano fato a Dio e ala schuola nostra cenca fraude e vicio. Debiano misidar le dite tauolele in presencia dei nostri procuradori et a queli presentarle, i qual per el sacramento che ano fato debia trar o far trar a queli che li parira iustamente de tute tauolele alor presentade tauolele dudisi solo modo a una a una. E tuti queli fradeli che sera notadi su quele tauolele debiano zurar in presencia de tuta la congregacion che cum bona consiencia, diligentemente, non abiando respeto al parentado amicicia, beniuolencia, pregieri, doni, inpromise, conplacencia, paura ne uerun ato per el qual podese macular la soa consiencia. Anci secondo Dio e suo bona consiencia, non guardando in faza de nigun, elegira e fara elegier e consentir sia eleta quila (!) persona dela qual i paresi se aspetase et auese bon utile spiritual, bona obediencia la qual redundase utile ale anime de tuti fradeli e sorele uiui e morti. I qual eletori debiano intrar in un altro luogo separado dala congregacion, cum i qual dudixi debia essere uno dei nostri scriuani a chi tocara la sorte che in tuto siano tredixi, i qual tuti suto pena de esser priuadi dela nostra schuola e mai più remisi si prima non paga ala nostra schuola liure cinque, abia termine una hora complida e non più, in el qual termine secondo loro consiencia debiano elegier del numero a lor comeso et ordinado per i nostri procuradori e la congregacion, numero dei mancanti de cento e diexi. E tuti queli che serano eleti nel numero de cento e .X. el nostro scriuan, che sera uno de queli tredixi, debia pronunciar a tuta la congregacion alta uoxe. Comandemo ai diti tredixi eletori che primo sia adimplido el numero dei manchanti del numero de cento e diexi cum i fioli dei nostri fradeli morti parendo esser digni per adimplire el capitolo septimo compoxo per i fioli dei nostri fradeli morti e tuti queli che pronunciadi serano per nostri fradeli e pagato che auerano et sacramentadi cho (!) serano. Sia notadi i nomi de loro in la nostra mariegola et sia oseruado el capitolo .II. dela nostra mariegola. Sora tuto non uolemo che nigun fradelo, tanto nobele quanto innobele, per algun praticasi, pregassi, contaminasi algun dei nostri fradeli del numero de centu e diexi per queli che intendi intrar in la nostra schuola el di ordinado soto pena de esser priuado dela nostra schuola. Excepto in la congregacion et election possa cadaun liberamente dir pro e contra, secondo la soa bona consiencia, in fauor et contrario de chi gli paresse per ben dela nostra schuola. Modo dela examination die far infra tuta la congregacion i nostri scriuani. Capitolo .1111. Tuti i nomi de tute quele persone, che sera tolte per nota dai nostri scriuani i zorni ordinadi a receuer i fradeli, tanto nobili quanto innobili, i quali intendino intrar in la nostra schuola, volemo et comandemo ai nostri scriuani, soto pena de esser priuadi dela nostra scola et mai più remessi se prima i non pagano per cadaun soldi .XL. ala nostra schuola, che el di ordinado, tanto per i nobeli quanto per innobeli, a tuta la congregacion alta uoxe i debia pronunciar queli dicendo: Queste sono quele persone che intendi intrar in la nostra schuola, e dechiarir o in numero de cento e diexi ouer in numero dei nobeli et narar i nomi de queli a un a un distinte. E può dir: 34