ARHIVSKI VJESNIK 17-18. (ZAGREB, 1974-1975.)

Strana - 204

442. Frater Emericus Nicolai de Zagrabia potest, sicut sibi nuper factum fuit, pro comuni bono studii sue provincie portare ex Venetiis libros impressos et vendere et accipere pretium et expensas sine molestia alicuius. Datum, Rome, 10 martii 1480. [f. 171r] 443. Frater Nicolaus conventus Sancte Marie de Possega habet licentiam eundi ad congregationem Lombardie et ad conventum et recipi poterit. Datum Rome, 7 aprilis. 444. Frater Antonius de Jadra, confessor serenissime regine Ungarie, potest assumere in socios fratrem Thomam Batka de Seghedino et unum conversum. Et eximitur a iurisdictione provincialis et omnis alterius inferioris magistro ordinis, dummodo et ipsi nullam habeant in ordine potestatem et se non intromittant de negociis ordinis neque ordinem aut fratres molestent alioquin presentes littere nullius sint roboris vel momenti. Datum Reate, die 30 aprilis. [f. 171v] Salvus Casetta (1481—83) Provincia Dalmatiae [1481] 445. Magister Matheus de Bona de Ragusio fuit factus vicarius generalis super conventibus Sancti Dominici et Sancte Crucis de Gravosio et monasterii Sancte Marie de Angelis in districtu Ragusino cum plenaria potestate. Et nullus inferior. Datum Rome, die 19 mensis iunii 1481. [6, f. 207r] 446. Magister Theodorus de Dyrachio fuit factus vicarius generalis super conventibus reformatis in dominio Venetorum et provincia Dalmatie, videlicet super conventibus Cathari, Lesine, Sancte Crucis et Sancti Dominici de Tragurio nec non loci Sancte Marie de Gratia insule Brachie ac loci Sancti Petri Martyris de Lesina in Civitate Veteri cum plenaria auctoritate. Et nullus inferior. Datum Rome, 17 iunii. 447. Frater Lucas Junii de Ragusio fuit assignatus pro duobus proximis annis in conventu Sancti Dominici de Neapoli ad legendum Sententias extraordinarie pro forma et gradu magisterii, et pro tertio anno in eodem conventu. Datum Rome, 19 iunii. 448. Frater Matheus conventus Farensis habuit dispensationem ad sacerdotium in 22 anno completo. Datum Rome 19 iunii. 449. Frater Johannes de Dyrachio habet licentiam ire in Hierusalem et potest confiteri etiam extra ordinem et petere elemosinas. Et nullus inferior. Datum Rome, 19 iunii. 450. Frater Bernardus de Ragusio habuit dispensationem ad sacerdotium in 22 anno completo. Datum Rome, 19 iunii. 451. Frater Marcus de Ragusio assignatur in conventu Sancti Dominici de Ragusio, 20 iunii. 204