ARHIVSKI VJESNIK 17-18. (ZAGREB, 1974-1975.)
Strana - 18
per se et successores suos conduxerunt et refirmaverunt magistrum Georgium lapicidam condam Mathei de Jadra ibidem presentem, stipulantem et se concordantem pro prothomagistro fabrice ecclesie cathedralis sancti Jacobi de Sibenico pro annis decem futuris, incepturis immediate finita sua conducta ad presens currente et subséquente finituris, cum pactis, modis et conditionibus infrascriptis. Primo quod dictus magister Georgius habeat et habere debeat pro suo salario, mercede et pagamento ducatos centum et viginti auri in auro in anno et ratione anni, habendo dictum suum salarium a fabrice ecclesie predicte sancti Iacobi sive a procuratoribus ipsius fabrice et ecclesie de peccuniis ipsius fabrice de sex mensibus in sex menses. Item quod predictus Georgius possit stare extra Sibenicum in quocunque loco pro uno mense et non plus singulo anno, pro laboreriis suis que faceret extra civitatem Sibenici et pro negotiis et rebus suis scontando et reficiendo ecclesie predicte sancti Iacobi dietas quas stetisset extra Sibenicum pro laboreriis, negotiis et rebus suis. Item quod dictus magister Georgius possit ire Venetias pro factis et negotiis suis quando sibi opus erit, ita et tamen, quod ibi non possit laborare neque laborari facere aliquid aliquo modo de sua arte, exceptis tamen laboreriis pro sua domo propria quam habet in Venetiis, intelligendo quod possit ire et stare in Venetiis singulis duobus annis pro tribus mensibus et non ultra, scontando et reficiendo tempus et dietas ecclesie predicte sancti Iacobi, quibus steterit Venetiis. Item quod dictus magister Gergius possit habere et tenere tres magistros sive dissipulos et non plures pro se et pro laboreriis suis, quibus possit dare ad laborandum mensuras et sagomas pro laboreriis suis, ponendo in libertate et conscientia dicti magistri Georgii, quod scontare et reficere debeat tempus quod expenderet pro dictis mensuris et sagomis dandis dictis suis magistris sive dissipulis, prout sibi videbitur in conscientia sua, ad benefitium ecclesie predicte sancti Iacobi. Item quod predictus magister Georgius possit habere et tenere duos dissipulos qui laborare debeant circa laboreria fabrice ecclesie predicte sancti Iacobi, qui dissipuli lucrari debeant salarium et mercedem suam ad iuditium et arbitrium duarum personarum discretarum et intelligentium, quarum unam eligere debeant procuratores fabrice predicte et ali am eligere debeat predictus magister Georgius, qui habere debeat salarium dictorum dissipulorum, ut supra dictum est, videlicet suum salarium de sex mensibus in sex menses. Item quod dictus magister Georgius habere debeat unam domum honestam et condecentem pro sua habitatione libère sine aliqua solutione affittus, videlicet aut illam domum quam nunc habet et tenet ab ecclesia predicta sancti Iacobi aut déficiente sibi dicta domo aliquo casu, habere debeat unam aliam domum honestam et condecentem libère sine alique solutione affitus. Item quod dictus magister Georgius solicite et bona fide debeat et sie promisit et se obligavit laborare de sua manu circa laboreria fabrice ecclesie predicte prout melius poterit et Deus inspirabit eum. Et quod debeat dare ordines, modos, mensuras et sagomas debitas et necessarias aliis personis et magistris laborantibus circa laboreria et fabricas dicte ecclesie sancti Iacobi et hoc tarn in civitate Sibenici quam extra ipsam civitatem, ubi esset opus quod iret pro fabricis et laboreriis dicte ecclesie. Et quod dictus magister Georgius teneatur et debeat in sua conscientia tenere computum de appunta18
