ARHIVSKI VJESNIK 16. (ZAGREB, 1973.)

Strana - 80

gozpoda Captolom chine, oni za to vze nistar ne marahu, y mene ziromah iunaku porochihu, porkulaba ztaroga zet i Tuhovchanczi za koie bi bil hotel moiu glavu pervo polositi, nego bi sze bili zuproti zvoje gozpode zdigli ter poimene Huzov zet iz Tuhovecz y Andras Zopich i Ratkovichkin zet y zin koteri ie nešto v nogo ztrelen, y onde me ie zam Bogh chuval, da me nezu ze tmicze zevzemi onemi detichi poztreliali, ar ie bila velika žila onde neg zem iako na nie viknol ter zu onda odbegli, a ja taki v grad vuide, nego moia miloztivna plemenita gozpoda za Bosiu voliu pišete mi hitro moja gozpoda, y deite mi moja gozpoda na vuka, kaj sze bu mene treba dersati, ter setuite vasse gozpocztvo berzo, v gradu imam okol iedno petnaizt dobrih deczev vu koje ze vupam, polag zapovedi vassega gospocztva vina im daiem moia gozpoda sto ie zpodobno y vu tom mi zapovedaite vasse miloztivno gospocztvo sto im bude potrebno dati. Ztem hochiu rad od vase milozti gozpocztva hitroga odluchka y zapovedi chakati, a ove vze zvetke behu pri ztarom porkulabu na Hraztovczu v tolnachu z tem gozpodin Bogh vase milozti gozpocztvo zdravo i vezelo dersi na vnogo dobrih leth, a ja zem zam z Iankom pak Ztanekom v gradu a to drugo ie vze vkup. In Toplika 1. Januaru 1656. Vassega miloztivnoga gospocztva ponižen zluga Nicolaus Bahath castellanus Toplicensis. Kaptolski arhiv u Zagrebu, ACA, f. 59, nr. 1/6. 14. 1656. I 3. Pobunjenici seljaci iz Varaždinskih Toplica mole krajiškog kapetana Makara da posreduje kod bana kako se protiv njih ne bi slala regularna vojska. Toplički zastavnik Juraj Veli/ci moli da im dade praha i olova. Generose Domine et patrone nobis confidentissime salutem ac servitiorum nostrorum humillimam commendationem. Toliko nam besse potrebno vase milozti piszati y moliti sze vase milozti kot nassemu vazdar ufanomu gozponu patronusu da bi nam vasa milozt tu veliku y nezgovornu miloschu wchinili za nasu vekovechnu zlusbu, da bi vasa milozt našemu miloztivnom poglavaru gozpodinu Banu, poleg nasz sziromahov iedan dobar miloztiven lizt piszali da bi nasz sziromahe gozpodin Ban nih miloztivno gozpocztvo zvoium velikum miloschum pomogli w nase szadasne velike nevolie y potreboche, kako nasz ono Toplichki purkulab tolvaizkem duguvaniem po noche razbya, ztrelia, szeche y lovi y nad nami hise obeche wsigati, a nezmo nistar krivi niti dusni y toga ne znamo ie li ima od gozpode Captoloma zapoved y dopuschenie ali ne, ako li prem ima, mi nezmo nistar krivi, nego sze molimo ponizno vase milozti da bi nasz sziromahe ne oztavili w szadasne nase velike nevolie y potreboche, nego da bi nasz sziromahe i vasa milozt pomogli, da bi nasz ne dali robiti, ar kako chuiemo povedajuch da veli hote nasz wchiniti z Vlahi porobiti zato molimo sze vase milozti ponizno, da bi ne prepuztili Vlahom toga chiniti iz nasz sziromahov vasa milozt a mi sze w nichem ne chutimo krivczi i nezmo nistar drugo krivi, nego szamo kay polegh nase pravicz hodimo, koie imamo od negdasne nase ztare dobre goz80