ARHIVSKI VJESNIK 16. (ZAGREB, 1973.)
Strana - 28
Copia concordiae inter partes arbitrarie factae occasione decimae in districtu de Marocha. Nos Adalbertus praepositus maior, Matthias de Bedenicza lector et Andreas decretorum doctor, archidiaconus cathedralis, canonici ecclesiae Zagrabiensis ac Michael Opprasnich iudex, Sthephanus literatus, Valentinus decanus, Gregorius Sutor et Sthephanus Frenipar, cives civitatis Montis Graecensis de iuxta Zagrabia, arbitri videlicet et amicabiles compositores partium infrascriptarum memoriae commendamus tenore praesentium significantes quibus expedit universis. Quod cum nos de voluntate unanimi et voto pari earundem partium infrascriptarum ad limitandas ordinandasque et finaliter terminandas causas et differentias necnon litis et quaestionis materias inter partes easdem ratione et praetextu certarum decimarum districtus Glavnicza et Marocha in comitatu Zagrabiensi existentes et excrescentes, iam fere a quinque annis proxime elapsis motas suscitatas in domo egregii et venerabilis domini Andreae doctoris, praepositi Chasmensis et vicarii ac canonici ecclesiae Zagrabiensis die videlicet datarum praesentium pariter consedissemus. Tunc venerabilis dominus cantor Bartholomaeus ac honorabilis dominus Ioannes de Fades, decanus, discretorum virorum dominorum praebendariorum eiusdem ecclesiae Zagrabiensis nomine et in persona eorundem dominorum praebendariorum fratrum scilicet suorum et honorabilis dominus Laurentius artium bacchalaureatus, plebanus ecclesiae divi Ionnis Baptistae in Nova Villa alio nomine Lepa Veez vocata Zagrabiae fundatae velut actorum ab una et nobiles Sthephanus Kasnar, Ioannes Hanz dictus, Ianko Chak, Georgius Stropilovich et Blasius Zagorchich de Glavnicza ac providi Demetrius Felnagh Drukchevich de Sanctissima Trinitate, Ivan frater eiusdem, Matthias Poldrugach, Valentinus Tompak, Berlek Hvolich, Iakve Mlinarich de eodem Sanctissima Trinitate, nominibus et in personis universorum et singulorum populorum incolarumque et ruralium in dictis districtibus vineas litigiosas et huiusmodi decimarum iugo subiectas habentium tanquam in causam attractorum, partibus ab altera suis gestando in manibus certa publica instrumenta litterasque procuratorias ad dandum et concedendum nobis vigorem necnon authoritatem et robur firmissimum super finali ordinatione determinationeque et conclusione huiusmodi differentiarum ratione praemissa, partes inter easdem exortarum in se plenam authoritatem continentes et habentes oneribus denique et gravaminibus partes praedictae, quaelibet videlicet earundem partium suae partis an infrascripta firmiter observanda in seipsas per omnia assumptis et nihilominus de infrascripta arbitratione et ordinatione firmiter perpetuo observanda, tactis sacrosantis evangeliis solenniter praestito iuramento coram nobis personaliter assistentes et comparentes partes per easdem ambas coram nobis expositum extitit pariter et relatum: Quod quamvis partes inter easdem ut praemissum est, iam quasi a quinque annis transactis occasione praedictarum decimarum praelibatis actoribus, per eosdem in causam attractos svadente quadam humanae perversitatis duritia ad nonnullorum malorum virorum maligno špiritu seductorum, Ecclesiae videlicet Christi adversariorum, accedentes inductionem per viginti annorum sese immediate sequentium curriculis, curriculis iam transactis solvi neglectarum dicarique non permissarum, litis et quaestionis materia exorta fuerit et suscitata et hine inde coram diversis dominis iudicibus, tam videlicet ordinaria quam apostolica authoritatibus fungentibus, diutius ventilata extiterit. In cuius quidem causae finali decisione et per praefatos actores in eosdem in causam attractos victoriae et triumphi habita 28
