ARHIVSKI VJESNIK 16. (ZAGREB, 1973.)

Strana - 17

N. de Chresnyewo, N. de Gradecz et N. de Prodawycz ceterisque universis et singulis ecclesiarum parochialium plebanis et eorum vicesgerentibus in et sub dyocesi Zagrabiensi ubilibet constitutis et existentibus quibus présentes ostenduntur nobis in Christo sincere dilectis salutem in Domino. Exponit nobis religiosus vir frater Benedictus heremita de Sancta Anna in personis universorum fratrum heremitarum, ordinis sancti Pauli primi heremite, communi cum querela, quomodo vos in favorem castellanorum de Bakwa ac rusticorum in pertinenciis ipsius castelli commorancium, ymo uti intelleximus in contemptum sancte matris ecclesie et nostrorum mandatorum vilipensionem manifestam sentencias excommunicacionis, agravacionis, reagravacionis ac interdicti contra rusticos de dicta Bakwa et fautores ac defensores ordine iudiciario legittime latas iuxta tenorem et contenta earundem singulis diebus dominicis et festivis exequi recusassetis recusaretisque eciam de presenti in preiudicium dictorum universorum fratrum heremitarum censureque ecclesiastice detrimentum manifestum non advertentes ex huiusmodi contemptu mandatorum nostrorum post sentenciam excommunicacionis etiam irregularitatem incurrisse. Unde adhuc vos monemus in Domino, hortamur et requirimus vobisque iterum et exuperhabundanti in virtute sancte obediencie et sub excommunicacionis pena firmiter precipientes mandamus quatenus habitis presentibus prefatas sentencias excommunicacionis, agravacionis, reagravacionis et interdicti iuxta tenorem, contenta et singulos articulos earundem in vestris ecclesiis fideliter exequi debeatis, ita videlicet ut non tantum uno vel pluribus, sed singulis diebus dominicis et festivis dictos rusticos in ipsa sentencia nominatim expressos tanquam induratos filios diaboli sed et castellanos de dicta Bakwa, eorum fautores et defensores vel qu eisdem rusticis in casibus a iure non concessis loquendo, habitando, comedendo, bibendo, stando, sedendo, ambulando. et alio quovis modo scienter et temerarie participant excommunicetis in signumque eterne dampnacionis et perpétue maledictionis ipsorum, de ecclesiis vestris cum vexillo sancte crucis et processione egredientes, responsorium Revelabunt celi iniquitatem lude et psalmum Deus laudem meam ne tacueris decantando vel legendo, lapidibus hincinde proiectis, publice et voce intelligibili excommunicatos, agravatos et reägravatos et interdictos pronuncietis, tamdiu abinde non cessantes donec de universis gravaminibus in quibus iidem rustici sunt convicti, prefato fratri Benedicto heremite in persona sui ordinis execucioni cause prémisse satisfecerint et donec a nobis vel nostro superiori aliud habueritis in mandatis. Que omnia et singula premissa si facere contempseritis, quod Deus avertat, ex tune vos ipsa sentencia excommunicacionis exhinc prout ex tune et ex tune presencium série innodamus et excommunicatos pronunciamus in hiis scriptis. Datum Chasme feria quinta proxima ante festum beati Dionisii martiris anno Domini millesimo quadringentesimo septuagesimo nono. Arhiv Hrvatske, Monasterii Paulinorum de Bakva, nr. 26. Stara signatura: M. O. D. L. 32789. Pečat 2 Arhivski vjesnik 17