ARHIVSKI VJESNIK 16. (ZAGREB, 1973.)

Strana - 10

sarića, Ivana Kramariča, Benu Čevića, Matiju Klobučara i Pavla Sokačića, koji su se pobunili protiv pavlinskog samostana u Donjoj Bukovici. Arhiv Hrvatske, Monasterii Paulinorum de Bakwa, nr. 23. 2. 1479. IV 20. Čazma Lektor Čazmanskog kaptola Ivan javlja župnicima u Bartolovcu, Virovitici, Sv. Mihajlu, Sv. Križu, Lipovoj i Sesvetama da se pobunjenici seljaci iz Donje Bukovice nisu odazvali prvom pozivu duhovnog suda i naređuje da ih pozovu na drugo sudsko ročište. Iohannes, lector, canonicus et locumtenens ecclesie Chasmensis, in Christo nobis sincere dilectis discretis Dominis: N. Sancti Bartholomei, N. de Werewcze, N. de Sancto Michaele, N. de Sancta Cruce, N. de Lypowa et N. de Mendzenth ecclesiarum plebanis, salutem in Domino. Noveritis quod licet providi Matheus Banowych, villicus de Bakwa Inferiori, Augustinus de eadem Bakwa, Valentinus iuratus, Stephanus Ztarecz, Martinus, Gregorius, Georgius Zelnykowych, Petrus Plawanych, Nicolaus Zewer, Iwan Thoth, Mathias Zedchych, Petrus Gregsych, Thomas Kraly, Berlecz Kazylich, Anthonius Ztoykowych, Barnabas Sartor, Thomecz Mezarych, Gywrgius similiter Mezarych, Johannes Kramarych, Beno Chewyz, Matheus Klobwchar, Paulus Zokachich, omnes in predicta Bakwa commorantes, ad instanciam religiosorum prioris et fratrum heremitarum in claustro beati Benedicti, in prescripta Bakwa fundati, degencium, racione ut dicitur invasionis et violacionis eiusdem claustri et cimiterii et aliarum iniuriarum et dampnorum eisdem et Ordini ipsorum illatarum nostram in presenciam in sedem Chasmensem peremptorie citati fuerunt qui in termino citacionis huiusmodi nec per se nec per procuratorem ipsorum coram nobis comparere curarunt, sed se omnino a facie iuris, et iusticie contumaciter absentarunt; prefatus vero procurator ipsorum fratrum, frater videlicet Benedictus de Iwanych coram nobis comparens et tandem certis diebus legittimis et horis congruis sufficienter expectans, ipsorum non comparencium contumaciam instanter accusavit, petens ut sibi de voluntate iuris remedio providere dignaremur. Et quia crescente contumacia merito crescere debet et pena, dileccionibus vestris igitur in virtute salutaris obediencie et sub excommunicacionis pena discricte precipientes mandamus quatenus prefatos in causam atractos accedatis personaliter ipsosque verbo nostro et vestro salubri moneatis et requiratis in eo ut iidem infra novem dierum spacium a die huiusmodi vestre monicionis immediate sequencium computantes, quos eisdem pro primo, secundo, tercio et peremptorio termino canonica monicione premissa assignamus, prefatis priori fratribusque heremitis et claustro ipsorum prenotato de premissis invasionibus violacionibusque claustri et cimiterii et aliis dampnis et iniuriis satisfaciant. Qui si fecerint, benequidem, alioquin evocetis eosdem ad ipsum nonum diem nostram in presenciam in sedem Chasmensem ad videndum et audiendum contra se pro contumacia ferri sentenciam, excommunicacionis aut allegandi causam racionabilem cur racione previa excommunicari non debeant. Et tandem seriem huiusmodi vestre execucionis nobis conscienci10