ARHIVSKI VJESNIK 16. (ZAGREB, 1973.)

Strana - 103

cunctarum in ijsdem repertarum expilatione, et direptione, cum circumadjacentibus aedificijs, cincturis, et saepimentis, temer ario sane, et hostili, ac ne inter ipsas barbaras gentes tollerabili ausu, flamma, igneque funditus evertunt. Castellum demum muratum Biszâgh, confractis portis, fenestris, et reliquis, quae frangibilia erant, contritis, rebusque omnibus, et domus suppellectilibus direptiš, pro futuri, partium illarum, commendantis residentia deserviturum, ab igne tutum conservandum statuunt. Et in eodem quadraginta circiter tumultuantes, vices praesidiarij militis, obituros collocant. Hac secundi ordinis factione, ex dispositione publica, per levata, et sub ductu Regni Vice-Bani Ioannis Rauch, expedita banderia, et nobilitatem, turn illis, qui praedicto castello Biszâgh adhuc detinebantur, cum et alijs compluribus tumultuantibus interceptis, et decern illorum (quorum unus, castelli utpote Biszâgh commendans, in bifariam sectus, distinctis in locis rotis implexus est) praevia eorundem, in Delegato, per dictum Vice-Banum, Iudicio Auditoriali condemnatione, glande trajectis, partim in fureas, partim in rotas actis, undecimque illorum in fronte stigmate patibuli notatis, alijs autem hinc inde, e domibus suis diffugientibus, omnibus a potiori rebus suis exutis, pecoribusque, et pecudibus abacus, vix plene sopita existente. Tertia demum, in Processu Podravano Comitatus Crisiensis enascitur factio, cujus suscitandae intuitu, Ioannes Csiszlar, aliter Iglar, Ioannes Horvâth, aliter Csizmazia, et Laurentius Dudas, in domo, et taberna Nicolai Loncharich, aliter Zelenijak, in diverticulo Hrasztich, servata die 6-a proxime evoluti mensis martij, scelerata consilia ineunt, hisque inibi conclusis, sequenti mox die, sub vesperum in eadem taberna conveniunt, assumendum ab inferenda nobili Adamo Sebök morte, sceleste consurrectionis exordium, cum praefato Nicolao Loncharich, aliter Zelenijak, ac Martino Boros concludunt; populum per confictae, ex parte superiori tumultuantium rusticorum, in vicinia ad Ludbreginum castrorum metationis, et ex parte inferiori tumultuariorum aeque confiniariorum adventus, in vulgus sparsam denunciationem, ad insurgendum, seseque ijsdem, nisi omnes igne, et flamma vastari velint, associandum, tum per se, cum et emissaries de domo, ad domum concitant; campana ad tumultum Signum datur; ex Nagy, et Kiss Attak, Imbrihovecz, Kutnyak, et Zamlachie, pagis sie nuneupatis, concitata in tumultum, et seditionem plebs confluit; Adamus Sebök impio sane, et crudeli truculentae mortis genere interficitur; omnia in eubiculis vastantur, diripiuntur, exanime corpus, una cum curia, tristi incendio deformatur, annihila turque; usque ad auroram large, et ad temulentiam vinum potatur; temulenta, turbulenta, et furibunda plebs, ad fideliter, et unanimiter in suseepto negotio, operandum adjuratur; dein curiae Preszekiana, Oblachichiana, et Rakichaniana, in Nagy Attak, et Bogachiana, in Jemrihovecz, possessionibus sie dictis, situatae, quae frangi poterant, confractis, et suppellectili ac rebus omnibus direptis hostiliter expilantur. Progressui tumultus hu jus, primi libertini Gyelekovczenses diversorum possessorum, armis resistendo; obstaculo fuerunt, dein vero, et finaliter per comitem generalem Iosephum Draskovich, adjutorio etiam con termini oppidi Légrad incolarum, terminatus, et salvis tumultuantium rebus, populoque pro ulteriori Regio, et Regni, dominorumque terrestrium servitio reservato, consopitus. His itaque modo praevio, ratione, origine, progressu, et concatenatione, praefatarum triplicis ordinis factionum, et tumultuum erruit, et adinventis 103