ARHIVSKI VJESNIK 16. (ZAGREB, 1973.)
Strana - 101
eorundem lata, specificatos, excepto Stephano Czvetek, praevie fuga sibi consulente, et Ioannem Csislar, aliter Iglar, tertiae factionis, ab infra pariter, uberius deducendae, primum authorem, inter reliquos interceptos nobis repraesentari facit; praefatis nobilibus unius sessionis, prouti et Stephano Domjanich iudicio sua sponte se sistentibus. In causa porro, originis, consiliorum, et concatenationis, praeteritorum triplicis ordinis tumultuum, investigationem descendentes, incusatam excessivam, dominorum terrestrium robbottarum, et datiarum exactionem, publicae Regni impositionis accrescentiam, et hujus, ex novissime facta, partibus in illis regnicolari conscriptione adauctionis formidinem, circuli denique illius, usque ad fluvium, Loina dictum, ad quern usque nempe conscriptio Regni pertigit, Confinio Crisiensi, excussis subditalis obligationis, et obedientiae dominalis habenis, applicationem, pro ratione tumultuantibus fuisse adinvenimus. Et sicuti triplicis ordinis tumultus fuerunt, ita tres quoque eorum factiones fuisse adinvenimus. Primam: quae suum in Dubovecz, Raven, Tkalecz, Stara Vesz, Spiranecz, et alijs circum vicinis possessionibus initium sumpsit. Harum possessionum incolae, cum Praefecturae Militaris Crisiensis confiniarijs, per conubia, et cognationes, proximaque vicinia juncti, ante exortum adhuc in Generalatu Varasdinensi tumultum, cum cognatis, vicinisque confiniarijs saepius conveniunt, sermones de aggravijs quisque suis miscent, exorto dein in Generalatu Varasdinensi tumultu, confiniarij rusticis, varijs in locis, potissimum autem diebus dominicis, in foro Liberae, et Regiae Civitatis Crisiensis, occasione perlectionis in Szeverin privilegiorum suorum id etiam se intellexisse narrant, quod totum, usque fluvium Loina, terrenum, ad iurisdictionem confiniariam olim pertinuerit; optimam modo adesse occasionem jugum colonicale excutiendi, semet ab obligatione, et servitijs robbotalibus, publicae item impositionis Regni solutione eximendi, et iurisdictioni confiniariae applicandi, id cum dominis terrestribus faciendo quod confiniarij in Szeverin cum officialibus suis fecerunt; si vim aliquam rustici patientur, confiniarios ijsdem auxilio futuros; Spargitur res in facile credulum, et de natura sua ad libertatem proclive vulgus: varia, varijs in locis, potissimum autem Crisij, diebus festivis, et in Dubovczensis, et Ravensis ecclesiarum foris, atque tabernis fiunt conventicula; scelesta de consurrectionis modo, consilia cuduntur, in principalibus, in mola Tkalczensi, Pauli Fluchko, Ignatij Kasnyar, et Georgij Podgaisky, campanatoris ecclesiae Ravnensis, popinis, habitis conventiculis, Matthias Kussich, in malesanae, ad tumultum concitatae plebis regem, supremum capitaneum et ductorem eligitur; in dominorum terrestrium exterminium; et castellorum, ac curiarum, usque ad Loinam fluvium expilationem; igneque, et flamma (aliquibus tantum exceptis, pro habitatione futurorum militarium officialium deservituris) depopulationem; atque nefarij hujusce ausus (fuso dominali ad fila ducendo, rusticis distributo, erga concitationem Georgij Rudas, pridie combusto existente) a curia Ravensi, nobilis Ignatij Kasnyar, incaminationem conspiratur; qui Signum ad tumultum campana dent, Lucas Czuzel, Matthias Mikulecz, et Iosephus Podgaiszkij deliguntur. Per quos, in ipso festo S. Matthiae apostoli, dato campana ad vesperum signo, congregata, in pago Ravnensi per domos, et tabernas plebs temulenta, in curiam Kasnyarianam irruit, omnia vastat, frangit, diripit, et depopulatur, vina, quae epotare non potuit, dissectis circulis efundit, tectis ignem admovet, curiam, circum adjacentia aedificia, allodium, acervos, et horrea in cyneres, et favillas redigit. 101
