ARHIVSKI VJESNIK 11-12. (ZAGREB, 1968-1969.)
Strana - 97
doklamsze niemu mester naiđe, y to da nema ni ieden detich vu verstat szeszti gdebi on hotel; y akobi takou detich ou de chez chetirinaiszt dni délai, takoie dusan dati vu Czeh ili bratouchinu duanaiszt becheu. Item (33) Akobi koi mester vu gore imenuvanih artikulusseh kakogoder y kern tem putem buduchi vu iednom ali vu drugom nehotel pokoren biti y nie obdersauati tako poleg czeske navade y obichaia, za birsagh imasze tomu takovomu detich vzeti y prez niega da ima biti, tako dasze y vu tom varaska pravicza ne zbantuie; y akobi koi detich vu tom pregressil, da neszme pri iednom mestru delati, doklamgoder pri Czehu pred vszemi mestri y detichi neopraui y birsaga neplati. Y ako bi hoteli mestri mestra koiega, ali deticha, za koie duguvanie na veliku priszegu gnati, takosze takovi imaiu pred Plemenitim Magistratussem pogoditi. Item (34) Ako koi loncharszki detich bude hotel oude szuoim mestrom posztati, tako peruo poleg czeskoga obichaia bude dusan meister stuk delati y nachiniti. Item (35) Akobi recheni mester stuk prauo y sverseno kako sze dosztoi nachinil, tako ima szuoi nauuchni liszt naperuo pred Czeh doneszti y dati, dasze bude znalo ilisze on pošteno szuoie mestrie zvuchil, ali nie, y potlam da ima dati vu Czeh 14 silinghou, to vuchini dukat y cheterdeszetpet novacz, teda naiperui put, kada sze med mestre pochne iemati. Takaisse da ima nachiniti ieden velik lonecz z duema priruchma y z pokrouom, koi lonecz da bude viszok chetiri pednie y širok tulikaisse chetiri pednie, a pokrov rechenomu lonczu da nachini prez mertuka kako prauo pride; takaisse ieden cziniaszti verch, koteribi dersal duanaiszt pintou, y on takaisse da ima szuoi pokrou. A pri thom mester štuku sesztnaiszt Raniski dusan bude dati vu Czeh; akolibiga pako neznal nachiniti kakoszedosztoi zversenQ, tako vu Czeh bude dusan dati trideszeti y dva Raniska. Item (36) Dusanie dati iednu iusinu mestrom, potlam na iedno letho obed ieden, koisze zove mesterszki sztoi, y da imaiu pri onom obedu biti dua priszesnika. Item (37) Akobi bil mesterszki szin tako pol sztola bude dusan dati y platiti, a polga bude proszt. Item (38) Koi mester mesterszku senu uzme, takou takaisse pol sztola ieszt szloboden y proszt, a polga bude dusan dati y platiti. *7 Arhivski vjesnik 97
