ARHIVSKI VJESNIK 10. (ZAGREB, 1967.)

Strana - 65

examinerati, pitati y probuvati uerno, ieli zadouolen y vreden, dasze ima na terianie y delanie mestrie prieti, y iesztli iz poštenoga zakona rogien, y ako sze znaide, da ie vreden posten y zadouolien za delanie mestriae, onda mestrom tkallechkim ieden dober obed y na bratouschinu dua rhaniska y chetiri funte voiszka dusen bude peruo posztauiti, y onda moralbi y mogelbi bitti nouim ter izversenim mestrom, y imalbi iakoszt y oblaszt zmestrium tkallechkum siuetti, kakti y drugi mestri tkallechky vu szpomenutom varassu y vu touarustvu, illiti bratouschine mestrou tkallechkyh pošteno osztati. Item nieden prekorupcze zmed mestrou tkallechkih, one, koteri delo szuoie k drugomu doneszu, niti po prosnie za boga, niti po obechaniu, nimaga od onoga, koiemu delo donesze odtugiti, menie pako kszebe priuabiti, niti skomcze odvernuti, nit po drugom to vuchiniti, nimasze pouffati, po koiembisze delo nihouo impederalo y prepachilo, y to pod birsag voiszka funtou dueh. Item nieden mester tkallecky delo liuczko krukam szuoim, iz ruk mestra onoga, koteri ie delati pochel, ter izda ni izuersil, zbrez znania y dopuschenia nieguoga nima prieti, dabie dokonchal y napravil. Item akobi koteri mester pri delu szuoiem takue liudi y szluge dersal y imal, koteriszu kai szuproti articulussem ouim y nauade, szuprotiuno hodili, ali vuchinili, naisze tomu takuomu mestria prepovi, y delatimu szlobodno nebude, niti liudem y szlugam nieguim, ter usze do tih dob, doklamgodsze pred vszim chehom iz toga ne ochiszti. Item akobi koteri napomoch delaunik bilbi kai neprauichnoga szuproti nauvka y mestrie oue vuchinil, naimusze delo prepoueda y vech delati nima. Item akobi koteromu zmed mestrou na pomoch delaunik alli szluga niegou uech nadalie nebi bil potreben, mester takou nym pred oszmemi dneui obznaniti mora. Nego akobi sztanouiti y zadouolien zrok imal naukrai deuatiga y odpusztiti, naszpodobnim pako zakonom, tulikaisse na pomoch delaunik alli szluga taksze ima dersati y od delà peruo ne odsztupiti, nego akoie y on goszpodaru szuoiemu pred oszmemi dneui obznanil y na glasz daval. Drugoie pak akoie prauichen koteri drugi zrok imal od niega oditti, zbog koiegasze ni mogel na dalie zdersauatti. Item neszme niti nima mester nieden na pomoch delaunika, szlugu alli nauuchniaka drugoga mestra szam poszebe, alli po koiem drugom na lepe rechi uzemssi odezuati odtugiti y szkomcze, alli szkrito kszebe prieti, y akobisze kai takuoga vuchiniti podsztupil, zbrez niedne milosche, vuchemga cheh y mestri obtersenoga bitti iznaidu y obszude, birsasen biti mora. Item koteri zmed mestrou nauuchniaka imal bude, naiga neoszlobodi peruo nego tri leta drobni dneuou navuka szuoiega neizpuni; akolibiga pako koteri mester pred tremi lettmmi oszlobodil, ter proszta vuchinil naisze ta takou mester vu delu y mestrie szuoie kastiga, ter naisze vun dene, y delatimusze propoueda, a nauvchniaku tulikaisse takuomu od mestrou drugih y szkupa delaunikou imamusze polag nauade delo zapreti. Item nieden zmed mestrou navuchniaka drugach prieti nima, nego pred vzsimi mestrih y chehom, alli naimenie pred tremi ouoga nauvka mestri, y nai bude iz poštene posztelie porogien, ter nieden mester uisse iednoga navuchniaka nima dersati, rauno szkupa delaunika y szlugu od iednoga visse prieti, da moze biti osztali drugi mestri y brati vu szlugah kakuv falingu illiti deffectus nebi terpeli, nego akobi snimi obilnessi bili, koteri y tak po chehmestru iednako med bratium moralibisze razdeliti. g Arhivski vjesnik 65