ARHIVSKI VJESNIK 10. (ZAGREB, 1967.)
Strana - 63
onda razumni y postuvani Jeszenchich, dekan illiti chehmester, szuoim y bratou szuoih nauuka tkallechkoga imenom, Lukach Posengarten, Philipp y Matthias Morgenrath drugach Szorenich, Barthol Billiskan, Cristoph Nekomuneday, Gregur Nouak, Stephan Szirniak, Jakob Francheuich y Miklouvs Stephnessich, tkalczi sztaressi, y naimre z ueksom sztranom mestri nauuka tkallechkoga purgari naszi, vu szuoi y drugih osztalih tkalczeu, nauvka tkallechkoga mestrou, nassih tulikaisse purgarou personah, pred nacz naperuo doiduchi vchiniliszu nam na znanie dauati ouak, da poklam kak oni zbog reformatie sztalissa nihouoga y zbog ponaulania mestrie nauvka nyhouoga tkallechkoga, naiuech pako za radi glasza, dike, y postuvania varassa ouoga kralieuszkoga, y na veksi napredek szuoi, ter bolsega reda med szobum obdersauanie, sztanouite nekoie modusse, nauade y red, poleg koiega y koih vu drugih tulikaisse mesztah y varassi, naiuech pako vu Styriae mestri nauuka tkallechkoga, uszegdar ter od sztarine siue y sittek szuoi pošteno y vredno raunaiu, da y oni ouak med szobum szpodobnim y iednakim drugeh uu szpomenutom orszagu varasseu zakonom siueli y raunalisze budu, imati bi hoteli ter nistar menie pred nasz dali ieszu nekoiega sztanouitoga na papyru odtuorienoga y na szpodobu knig szpraulienoga, ter z nauadnim kralieuszkoga varassa gradechkoga pechatium odszpoda zapechachenoga liszta, sztanouite nekoie modusse, nauade, red illiti raunanie, szkoiemi, kakie gore recheno y vu drugih mesztah y varassi uu Styriae, y vu szamom varassu Gradechkom, y vu sztrankah nyemu priloseni mestri tkallechky nauadni ieszu siuetti uszagdar y od sztarine vu szebe zadersaiuchega, mollechisze nam ponizno, dabie y mi med nami y vu ouom varassu nassem szpomenutoga nauvka tkalechkoga mestre polagh ouih dole posztauliani modusseu, nauade, reda, szloboschine y prauicze nihoue obdersatti ter rechene szloboschine, prauicze, modusse, red y nauadu nyhovu vu liszte, illiti priuilegium, nas posztauiti dopusztiti y nie ouak posztauiti dopusztiussi razglasziti approbuvati y confirmirati dosztoiali. Mi pako buduch da y zvun toga vszagdar y naiuech selia y terszenie nasse vu thom sztoy, kakbi mogli varas ou zdobremi postenia y huale vrednemi nauukmi y chini odichiti y poueksati, na potrebuvanie y prosniu nyhouv nagnieni, modussi nyhoui, nauade, szloboschine y prauicze naiduchi nie daszu prauichne y k prauicze szpodobne niti drugim prauiczam y nauadam nassim szuprotiune, dopusztili jeszmo dasze imaiu obdersauati, a rechenih szpomenutoga tkaleckoga nauvka mestrou nauade, szloboschine y prauicze pred nasz dane y obznaniene ieszu ouakue: Najperuich y naibolse na zazavainie imena bosiega, ter hualu y diku blasene deuicze Mariae szpomenuti mestri tkalechkoga nauvka szpodobnim y jednakim ter iedinim hoteniem dokonchali y privolili ieszu uszako letto na dan szuete Catharinae deuicze y muchenicze, item na szuetek pohagiania blasene deuicze Mariae y na dan szuette Annae, k tomu y uszake quatre vu czirkue nasse glaune illiti pharne na oltaru szuete Catharinae od vszih dob uszegdar y naueke popeuana messa dasze ima obslusiti, pri kotere messe vszagdar dua zmed mlaissih mestrou zgorechemi duplieri duoriti morali budu y hocheiu tulikaisse imati, da po nedelie, quatre uszaki szuetek blasene deuicze Mariae, y drugeh osztaleh veksih szuetkou dneue, ieden zmed mlaissih mestrou, alli budi nauvchniakou iliti deticheu nauvka tkallechkoga nato posztaulien na szuechniaku polag sztene buduchem sest szuech pri messah popevaneh vusgati dusen bude pod birsagh hint voiszka. Drugoch. Da imenuvanoga nauvka tkalechkoga mestri, jednoga zmed mestrou, koteroga drugach chehmestrom zaueiu, za principala szuoiega szako
