ARHIVSKI VJESNIK 10. (ZAGREB, 1967.)

Strana - 108

cellario vini cubulos 8 et unum cadum magnum çonfregerunt et seram unam abstulerunt; fecerunt damni pro fl. 5. Item idem homines et seruitores dominorum Keglewych irruentes in et ad cellarium Blasii Thuggia, coloni eiusdem Joannis Zaboky, ibique confractis januis cellarii et repagulis emiserunt vini cubulos 15, acceperunt seras tres et repagula ac omnia utensilia; cui intulerunt damni pro fl.. 6. Item idem homines et seruitores dominorum Keglewych irruentes in et ad domum Joanis Jakossewechky, coloni eiusdem Joannis Zaboky, unde acceperunt et abegerunt unum bouem bonum, unam vaccam mugibilem (!) bonam, ligones sex, secures sex. Item eidem colono secunda vice idem seruitores et homines dictorum dominorum Keglewych irruerunt ad cellarium, ubi fracta porta acceperunt vini cubulus 15, ligones tres; cui in prima et secunda invasionë intulerunt damni in valorem fl. 20. Item idem similiter Martini Mayzecz in Strwczlyewo domum invadentes acceperunt universas res mobiles et clenodia domus usque ad minimum; cui intulerunt damni in valorem fl. 16. Item idem seruitores et homines dominorum Keglewych irruerunt ad domum Philippi Zwhypehar in Zenno commorantis, coloni eiusdem Johannis Zaboky, ubi acceperunt duas vaccas mugibiles, duas equacias et omnem clenodiaturam domus çonfregerunt et partim abstulerunt, fecerunt damni in fl. 25. Item eidem colono circa festum Floriani sub dieta celebrationis judiciorum Warasdini tunc celebrata iidem seruitores et homines magnifici domini Mathei Keglewych in via publica, dum idem colonus transibat ad labores thlaka vocatos domino terrestri, acceperunt duos boues valde bonos pro valore fl. 22. Item homines et seruitores dominorum Keglewych inuadentes domum Stephani Kranyecz, coloni eiusdem in Gerdencz existentem, unde abegerunt vaccam unam, tunicas, camisias, linteamina, manutergia, filaturam totam et omnia clenodia domus acceperunt; cui fecerunt damni in valorem . . fl. 12. Item iidem homines et seruitores dominorum Keglewych irruentes in et ad domum Joannis Vochachky, coloni dicti Joannis Zaboky, unde abegerunt vitulum unum trium annorum valoris , fl. 3. Item idem seruitores et homines dominorum Keglewych in Jakwssewcz relictae Nese Dyakowe, colonissae eiusdem Joannis Zaboky, ad domum irruentes çonfregerunt fornacem, tunicas, camisias, linteamina, manutergia et omnia frumenta, quantum habuit, abstulereunt; fecerunt damni in valorem fl. 4. Item in Medwedkowcz iidem seruitores et homines dominorum Keglewych irruentes ad domum prouidi Clementis Nowachky, coloni eiusdem Joannis Zaboky, confractis januis domus, acceperunt vaccas mugibiles (!) duas, juvencam unam duorum annorum, tunicas, camisias, linteamina, mensalia, manutergia, victualia et omnem clenodiaturam domus abstulerunt; cui intulerunt damni in valorem fl. 20. 108