ARHIVSKI VJESNIK 10. (ZAGREB, 1967.)

Strana - 105

SIGNATURA SUPER DAMNA EGREGII JOANNIS ZABOKY ET COLONORUM EIUSDEM POST SEDATUM TUMULTUM RUSTICORUM ILLATA Ittem seruitores et homines magnificorum dominorum Matthei et Simonis Keglewych irruerunt in et ad domum prouidi et circumspecti Pangratii suttoris, unde duas vaccas mugibiles (!) ipsius egregii Joannis Zaboky, quas eidem colono suo ad tempus nutriendas dederat, acceperunt et abegerunt ac quo eorum placuit voluntati fecerunt; cui intullerunt damni in valorem . . . . . fl. 8. Item seruitores et homines eorundem dominorum Matthei et Simonis Keghlewych nocturno tempore iruentes in et ad domum prouidi Michaelis Oprychewecky, colonis eiusdem egregii Joannis Zaboky, et exinde abduxerunt unam equatiam bonam curriferam et unum equellum eiusdem egregii Joannis Zaboky; cui intullerunt damni in valorem fl. 30. Ittem magnificus dominus Simon Keghlewych, personaliter una cum suo banderio seruitoribus et hominibus suis et fratris eiusdem, armatis et potentiariis manibus venit et stetit supra curiam nobilitarem eiusdem egregii Joannis Zaboky in Zabok existentem et habitam, indeque homines et seruitores dictorum dominorum Keghlewych irruerunt ad eandem curiam nobilitarem, ibique currum kochy çonfregerunt et de rôtis ferra omnia abstulerunt et super domum frumentariam seram çonfregerunt et abstulerunt, tandem de stabulo jumentorum abigerunt unum magnum taurum, qui nutriebatur pro admissura inter vaccas et cum eo unam vaccam valde bonam. Deinde sub eadem curia nobilitari in fenili eiusdem curiae infra curiam existenti, acceperunt unam equaciam curriferam ipsius egregii Joannis Zaboky, pro se equum unum, poledrum unum ac unum rete piscium; quae omnia praescripta, excepta violenta invasionë nobilitaris curiae, aestimare possunt in valorem . . . fl. 100 Item seruitores et homines dictorum dominorum Keglewych duo cellaria vinaria in promonthorio Medwedkowcz existentia ad curias nobilitares eiusdem pertinentia irruentes, seras, repagula et portas çonfregerunt ac diuersas res mobiles in eisdem repertas abstulerunt, vinaque in septem vasis existentia partim ebiberunt, partim abstulerunt, partim vero humi defluere permiserunt; in quibus praemissis intelerunt (!) damni plusquam in valorem . . . fl. 50. Item seruitores et homines dictorum dominorum Keglewych irruentes in et ad domum Valentini Gywokowych, coloni eiusdem egregii Joannis Zaboky, unde acceperunt et abegerunt vaccas mulgibiles tres, vitulum unum et equacias duas, et hoc pro prima inuasione; pro secunda vero irruitione idem seruitores et homines dominorum Keglewych ab eodem colono acceperunt in pecunia florenum unum, tunicam unam, ligonem unum, tria linteamina, calceamentorum duo paria; cui intulerunt damni plusquam in valorem . fl. 30. Item idem seruitores et homines dictorum dominorum Keglewych similiter irruentes domum Primi Dyak, coloni eiusdem egregii Joannis Zaboky, unde acceperunt ligones duos, unam traham ferream et fossoriam unam ac vaccas mugibiles (!) tres et boues duos abegerunt; cui intulerunt damni in valorem fl. 30. Per se idem seruitores et homines praescriptorum dominorum Keglewych eidem colono, videlicet Primo Dyak, fecerunt damni in vino et sale in valorem fl. 3. 105