ARHIVSKI VJESNIK 10. (ZAGREB, 1967.)

Strana - 92

est scitu, quod ipse testis oculis vidisset quando quidam seruitor praefati domini Matthei Keglewych nomine Simon Gresny cum caeteris complicibus suis nobilem Stephanum Radowych captiuassent, captumque quo ipsius domini Mathei Keglewych placuisset voluntati, abduci fecissent. Trecentesimus decimus testis nobilis Joannes Zthanyssa de Oskowcz vicinus, requisitus, adiuratus et examinatus, fassus et attestatus est scitu, qualiter circa dominicam quasimodo in anno domini proxime transacto praeteritam et etiam post festum paschatis diuersis vicibus praefatus Simon Keglewych, post profligatum videlicet et sedatum tumultum rusticorum, bona praefatorum nobilium de Zabok et aliorum querulantium dictique domini Michaelis Zekel depraedassent et deuastassent. Trecentesimus decimus sextus testis prouidus Michael Klarych de Hochwr, seruitor et colonus religiosarum fratrum heremitarum ordinis Beati Pauli primi haeremitae in monasterio de Lepaglawa commorantium, vicinus, requisitus, adiuratus et examinatus, fassus et attestatus est scitu, qualiter praefatus dominus Mattheus Keglewych post iam profligationem et sedatum tumultum rusticorum rebellium, tertio et quasi quarto die, cum seruitoribus et hominibus suis ad bona praefati Michaelis Zekel irruendo, ibique cellarium prouidi cuiusdam viri Zopyna vocati, iobagionis ipsius domini Michaelis Zekel, itidem irruendo primum confractis hostiis eiusdem cellarii, eiusdem colonum dicti domini Michaellis Zekel in eodem cellario repertum dire et acriter verberare fecisset, vinumque ipsius jobagionis Zopyna in eodem cellario repertum, quousquam dicti domini Mathei Keglewych cum praefatis hominibus et seruitoribus suis placuisset voluntati ebibi fecissent. Idem testis fassus est scitu, hocque, quod praefatus dominus Mattheus Keglewych cum praefatis hominibus et seruitoribus suis diebus in praescriptis una cum praefato Damiano Zladoyewych seruitore suo, bona orphanorum condam Johannis Pwhakoczy irruendo, ibique ex eiusdem bonis ipsorum orphanorum, colonorumque ipsorum universas res et pecora in eisdem bonis repertas et inventa abstulisset. Trecentesimus decimus septimus testis prouidus Augustinus Koz de Hochwr praedicta, colonus dictorum fratrum heremitarum de Lepaglawa, vicinus, requisitus, adiuratus et examinatus, fassus et attestatus est scitu per omnia prout praecedens 316. testis; addit tarnen idem testis scitu, quod praefatus Damianus Zladoyewych, seruitor praefati domini Matthei Keglewych, dictum festem vi cogisset et compulisset ad deuastationem et depraedationem bonorum praefatorum orphanorum condam Joannis Pwhakoczy et curiae nobilitaris orphanorum condam dominae Elenae Zaboky, de qua quiderh curia nobilitari dictae dominae Elenae homines et seruitores praefati domini Mathei Keglewych universas res et vina in eadem domo et curia nobilitari repertas et inventa accepissent et abduxissent. Et sic nos praemissam inquisitionem modo praenotato per nos factam Vestrae Reverendissimae Dominationi pro finali executione iudicii iuxta commissionem Regiam per Vestram reuerendissimam dominationem, tanquam suppremum commissarium Suae Sacratissimae Maiestatis ad id specialiter delegatum, inter partes praescriptas fideliter facienda, simul cum nominibus testium sub sigillis nostris duximus rescribendum, peractis supplicationibus 92