ARHIVSKI VJESNIK 10. (ZAGREB, 1967.)

Strana - 83

praescriptarum publicarum constitutionum punire omnimodam habet potestatis facultatem et neque potest dominus Mattheus Keglewych libertatem nobilitatis pro se allegare, qui libertatem patriae et nobilitatis aperte violare non formidauit, praeterea nos querelam nostram sufficienti testimonio nempe binis litteris testimonialibus et tertiis adiudicatoriis universitatis dominorum et nobilium comitatus Warasdiensis contra ipsum dominum Mattheum Keglewych emanatarum, stabiliuimus et probauimus, licet illis dominus Mattheus Keglewych réclamât et dicit contra se comitatum non posse formare publicam querelam et illam esse formatam in fauorem priuatarum personarum earumque litterarum confectorem iniustum et fauorabilem, neque esse litteras universitatis comitatus Warasdiensis, neque ex sede et congregatione emannatas, nostramque querelam esse iniustam et iniquam. Itaque, Sacratissime Imperator, ut haec suspicio de nobis coram Maiestate Vestra Sacratissima in medio tollatur, utque oppressio et querela nostra magis eliceat, ternas litteras iterum Maiestati Vestrae Sacratissimae nunc in specie porrigimus, quartas vero penes priorem nostram supplicationem Maiestati Vestrae Sacratissimae porrexeramus, quae nobis tunc non sunt restitutae, sed apud reverendum dominum Jauriensem, quae Maiestati Vestrae Sacratissimae sonabant, remanserunt. Ex quibus omnibus iudicet et agnoscat Sacratissima Maiestas Vestra si quid falsi in se continent, si non sunt de manu notaru et sigillo quo ille comitatus utitur roboratae, vel aliquid per nos abrasum aut cancellatum in eisdem reperiri potest, puniat nos Vestra Sacratissima Maiestas, ut soient puniri qui falsis litteris utuntur; sin minus Sacratissima Maiestas Vestra de paena talionis de et super domino Mattheo Keglewych iudicium et iusticiam nobis impendat. Ubi autem dicit querelam nostram iniustam et iniquam, praesertim superioribus annis in comiciis Posoniensibus super violatione cuiusdam virginis et dicit se iuramento iam expurgasse proférât igitur coram Maiestate Vestra Sacratissima litteras super depositione iuramenti quas nullas habet, immo nos Maiestati Vestrae Sacratissimae humilime supplicamus, ut litteras illas adiudicatorias universitatis dominorum et nobilium comitatus Warasdiensis feria secunda proxima ante festum beati Joannis Baptistae secundo die termini congregationis eorum anno domini 1566. emanatas executioni demandare et personis illis laesis satisfactionem fieri dignetur. Insuper conqueritur Maiestati Vestrae Sacratissimae contra nos, quod cum in litteris universitatis comitatus Warasdiensis dei et justicie eius obliuiscentem et tirranum accusauerimus et petit de nobis iudicium sibi tribui, certe, Sacratisime Imperator, neque nunc habemus, quod illum de pietate et fraterna charitate de commiseratione pauperum, laudare possemus, licet ille carens laudatore in sua responsione satis se collaudat, sed per nos collaudari uti praemissum est de pietate non potest, qui nos et miseros colonos nostros ad extremam duxit egestatem et adhuc tot cauillationibus, tot friuolis exceptionibus nititur et illud a nobis alienare, quod nondum alienauit, fama et honore nostro dehonestari, immo et nunc asseueramus illum nec Deum, nec Maiestatem Vestram Sacratisimam timere, nec homines pudere, qui ad tam expressam Sacratissimae Maiestatis Vestrae Imperatoriam voluntatem et decisum mandatum res nostras a nobis iniuste ablatas restituere, colonos miserorum fratrum nostrorum indebite captivatos praeter omnem viam iuris tormentando in dirissimis carceribus inter nominis christiani' hostes Thurcas captivos fame et siti, compedibus ac cathenfs atque vermibus macerando dimittere hactenus non curauit, immo accepto mandato Vestrae Sacratissimae Maiestatis statim eos igne tormentare et exuri, in maioreque custodia et captiuitate detinere Vestrae Sacratissimae Maiestatis mandati in 83