ARHIVSKI VJESNIK 7-8. (ZAGREB, 1964-1965.)

Strana - 311

tunc ibidem casu existente ultimam veniam accipiens, audisset, severissimam mortem effugere volens, e medio praefatorum Johannis et Georgii Horwath ac Johannis Baxay et Lucae servitoris eiusdem erumpens, vulneratumque equum suum ascendens, trans fossam dicti oppidi ad domum providi Johannis textoris Cherny Thkalecz vocati, civis praefatae dominae relictae et filiarum suarum in suburbio dicti oppidi existentem, fugae praesidio venisset, dumque ex eo loco ultra aufugere non potuisset, credidissetque praefatum civem non dictae dominae relictae et filiarum suarum, sed dominorum Thahy portionis fuisse. Descendons de equo vulnerato in dietam domum se inclusisset, ubi sic inclusum ex commissione praefatae dominae relictae multitudo servitorum et civium, colonorumque, turn praefati Stephani Gregoryanczy, quam dictae dominae relictae et filiarum suarum, videlicet Nicolaus Nagh, Franciscus Pwhakoczy de Czyglenycza, Johannes Homlyanych de Berdowcz, Martinus Jankowych castellanus cum servitore suo Johanne Biskupecz de Berdowcz, Lucas Hrenkowycz servitor praefati Joannis Baxay, Michael Thwrkowych vicecastellanus praefati castelli Also Zthwbycza, Cristoforus Swrazth de Pwscha, Paulus portarius, Simon Lowacz, Blasius Kranyecz portarius, Caspar sartor ciuis oppidi Alsozthobyczensi, Gregorius Zyrovecz de Zthermecz portarius, Petrus Barber de Andressowcz et praefatus Ludovicus Spychko eandem domum circumdedissent. Praefataque domina Catherina Paprathowych eo perueniens, videns accedere crudelissimam necem filii sui primogeniti, dicto Joanni Horwath supplicasset, ut filium suum a tam crudelissima morte eliberaret, qui Johannes Horwath dictae dominae Catherinae respondisset, ut ex illinc recederet ne paratam ex firmissima commissione mortem filii inspiceret, qui nunquam ex eodem loco uiuus exire permitteretur. Et sic tandem praefata multitudo seruitorum ciuium et colonorum praefatorum Stephani Gregoryanczy et dominae Ursulae relictae, filiarumque suarum, dum praefatam domum distrahere caepissent, dictus quondam junior Petrus ex eadem domo prosiliens matre mestissima eiusdem ac honorabile Michaele presbitero, plebano sancti Georgii in praefata Felseo Zthwbycza, ac aliis certis probis viris ibidem finem rei inspicientibus, in praesentiam eorundem se proiecisset exclamans, ut eum si possent a morte eriperent. Que mater eiusdem simulcum praefato plebano ac aliis probis volentibus illum a morte juvare ibidem sese in corpus praefati quondam junioris Petri jactassent, quos praefata multitudo homicidarum ex eodem distraxissent, sicque eundem ibidem alii frameis, alii securibus dilaniantes miserabiliter, ex deliberativa commissione praefatorum Stephani ' Gregoryanczy et dominae Ursulae relictae interemissent, coturnosque cum calcaribus ex pedibus et loricas manuales ex corpore more praedonico extraxissent, que omnia simulcum equo ipsius interfecti abstulissent; nec hiis contentus praefatus Martinus Jankowych castellanus praefatorum Stephani Gregoryanczy ac dominae Ursulae relictae, filiarumque eiusdem, in praefato castello Also Zthwbycza constitutus, ibidem superveniens enudata framea in providum Casparem sartorem civem eorundem irruens, illique minas mortis imponens, nisi citius caput adolescentis interfecti amputaret, quod caput praefata domina relicta in praesentiam sui cito déferre commisisset, eundem sartorem compullisset; et nisi praenominatus Michael praesbiter exclamasset dicens, qui esset inter illos maior tortor, ipse caput ipsius interfecti adolescentis amputare deberet. Sicque caput interfecti ab amputatione eliberasset, potentia mediante, in grave praeiudicium et damnum dicti exponentis valde magnum. Facta igitur coram nobis huiusmodi expositione et querela et ad instantiam eiusdem exponentis egregium Thomam Mykwlych de Brwkonowcz unum 311