ARHIVSKI VJESNIK 7-8. (ZAGREB, 1964-1965.)

Strana - 303

Et primo, in vilicatu Berdowcz libertini ipsius domini Francisci Thahy sunt prouidi: Vitus gener Georgii Lewak, Georgius Belozlawych portarius, Joannes Glathky, Georgius Hassych agazo, Simon Lwgych itidem agazo, Joannes Krayach degens in possessione Otthok, Martinus Breczko, Nicolaus Kralych capitaneus in Zechyen, Anthonius Possessacz bubulcus, Gregorius Paulekowych alias Posgay, Martinus et Michael Swrbar, Nicolaus Roshych, cuius sessio simulcum vineis per dictum dominum Franciscum Thahy donata est egregio Anthonio Gereczy, Michael Skarwpych, alter Michael Mladenych, relicta Joannis Wuchko, relicta Georgii Peryowych. In villicatu Zaprezecheye: relicta annotati olim Joannis Lolych. In villicatu Pwschya: Stephanus Wydowych alias Pologowych, Joannes Wydowych, Gregorius Horuath, Lucas Medwed pistor, Gregorius filius cuiusdam Zyrothek pastor vaccarum, Gregorius textor habens filiam in alodio domini Francisci Thahy. In villicatu Zthenyewcz: Nicolaus Kwchych, Laurentius annotati domini Francisci Thahy felaytar et Petrus Rybych. Item, itidem hiis diebus et temporibus superioribus praenominatus dominus Franciscus de Thah hortum magnum sub castro Zomzed et vinea Golyak habitum, similiter communem dictis protestantibus cum praetitulato domino Francisco Thahy, potentia mediante pro se violenter occupasset, in usumque suum conuertisset, ac dum praefati protestantes coram commissariis praelibatae Sacratissimae Caesareae et Regiae Maiestatis medietatem eiusdem horti repetiuissent, idem dominus Franciscus coram eisdem dominis commissariis respondisset atque dixisset praescriptam medietatem dicti horti eisdem protestantibus neque velle dare, sed potius ferro et gladio contra ipsos protestantes praedictum hortum defendere paratus esset, praenominatoque Stephano Gregoryanczy, ipse dominus Franciscus de Thah manifeste morte minaretur. Item tricesima die praescripti mensis martii proxime, ut praemissum est praeteriti, idem dominus Franciscus Thahy nobili Gabrieli Zalay, castellano eorundem protestantium per eosdem in castro praescripto Zomzedwara quoad portionem ipsorum protestantium constituto, minas imposuisset, dixissetque quod eum vellet facere in minimas particulas desecare. Insuper, qualiter in festo beati Stephani prothomartiris in anno domini proxime transacto praeterito

4 praenotatus dominus Franciscus de Thah, nescitur quo špiritu ductus, missis et destinatis certis seruitoribus suis in et ad domum plebanalem ecclesiae beatissimae Virginis Mariae in praelibata possessione Zthenywcz, ipsis protestantibus cum ipso domino Francisco Tahy itidem communi. nullis ipsius culpis et demeritis exigentibus in terram prostratum dire et acriter verberare ac extra metas praelibate possessionis Zthenyowcz expellere fecisset. Cuius loco ipse dominus Franciscus Thahy quendam suum alumnum, personam ipsis protestantibus omnino suspectam et officii illius minime dignam, eo locare vellet, quern ipsi protestantes nullo pacto sed alium quempiam honestum et idoneum presbiterum, qui eisdem protestantibus non fuerit suspectus libenter et bénévole admittere vellent.

5 Item, praenotatus dominus Franciscus Thahy dixisset, quod praefati protestantes non fuissent in hereditatem eorum videlicet dominium castri praescripti Zomzedwara et castelli Also Zthobycza pertinentiarumque eorundem, iure Regni ingressi, sed per sepefatam Sacratissimam Caesaream et Regiam Maiestatem violenter introducti ac etiam quod ipse dominus Franciscus Thahy praelibatam dominam Ursulam Meknyczer protestantem vellet ex domo in cas-