ARHIVSKI VJESNIK 7-8. (ZAGREB, 1964-1965.)
Strana - 294
non magnificorum dominorum videlicet Gabrielis, Michaelis ac Joannis filiorum eiusdem domini Francisci Tahy nominibus et impersonis, nostram personaliter veniens in praesentiam, per modum solemnis protestationis nobis detegere et significare curavit in hunc modum. Quod quia egregius Mathias Kerechyny de Kanyafölde, nominibus et impersonis generosarum dominarum Ursole Meknyczer relictae ac Kunegundis eiusdem Mathiae Kerechyny, Anne Michaelis Konzky, Marthe Stephani Gregoryanczy egregiorum consortibus, necnon puelle Sophiae, filiarum magnifici olim Andreae Hennyngh aliter Thephenpach dicti de Zomzedwara, a praefato domino Francisco Thahy protestanti postulasset, ut nouos hortos, allodia, molendina farinam et asseres facientes et alia, que interea temporibus et annis superioribus dominus videlicet praefatus dominus Franciscus Thahy protestans dimidietatem praescripti castri Zomzedwara et castelli Also Zthobycza. eorundemque pertinentiarum, omnino in comitatu Zagrabiensi existentium et habitam, a praefata Caesarea et Regia Maiestate domino nostro clementissimo sub arenda possedisset, suis propriis expensis et fatigiis erexisset et denuo parasset, permitteret esse communia prout et alia, que in pertinentiis dictorum castri Zomzedwara et castelli Also Zthobycza ab olim erecta et aedificata essent, ipsis dominibus Ursule, Kunegunde, Anne ac Marte et puelle Sophiae cum dicto domino protestanti prolibusque suis praescriptis communia forent. Ad quam postulationem praedictus dominus Franciscus Thahy protestans per praenotatum Nicolaum Zemczpchey, affinem et castellanum, ut praemissum est, suum, respondisset: quod ea que ipse dominus protestans licet tunc communibus sibi cum praelibata Caesarea et Regia Maiestate colonis, sed tarnen propriis expensis parasset atque extruxisset, nemini tenenda permittere posset, donee ius inter partes ipsas decisum fuerit, saluis interea etiam libertatibus et iuribus domini Bathory, que in dictis castro Zomzedwara et castello Also Zthobycza haberet, prout etiam et dominis commissariis ipse dominus protestans respondisset, quia officialibus praefati domini Imperatoris et Regis nostri non fuisset prohibitum omnia parare, prout et ipse dominus protestans sibi necesaria parari fecisset, prout nec modernis possessoribus prohibet, satis enim ampla esset terra et aqua Zomzedwariensis. Quam responsionem praefati domini protestantis dicto Mathiae Kerechyny intelligens minatoriis et inimicosis verbis ad nouam discordiam tendentibus, praenotatum Nicolaum Zempchey affinem et castellanum praefati domini protestantis ipse Mathias Kerechyny alloquutus fuisset, hoc videlicet ipsos donee capita et camisias super se habuerint permittere, minime velle et neque posse. Subiunxisset etiam idem Mathias Kerechyny coram praefato castellano dicti domini protestantis se omnes et singulos ab interemptione et punitione colonorum suorum propter exclusionem ipsius domini protestantis ex dictis castro Zomzedwara et castello Also Zthobycza ac etiam damnis eidem domino protestanti, familiaribusque suis per dictos colonos rebelles patratis et commissis prohibere. Ex quo idem dominus protestans facile cognosci posset, asseueratque posset, praefatum Mathiam Kerechyny cum aliis supra scriptis praeteriti tumultus, in quo praescripti rustici rebelles etiam nunc perseuerant, caput esse êt originem. • Unde facta huiusmodi protestatione idem Nicolaus Zempchey, nominibus et impersonis quorum supra, litteras super praemissis omnibus protestationales praelibato domino Francisco Thahy et heredibus suis praenotatis per nos 294
