ARHIVSKI VJESNIK 7-8. (ZAGREB, 1964-1965.)

Strana - 274

: unum ex nobis scilicet iudicem nobilium ad infrascriptas inquisitionem, amonitionem, euocationem et certificationem faciendas de sede nostra iudiciaria legittime destinassemus. Qui tandem exinde ad nos reversus nobis retulit eomodo, quomodo ipse feria quarta in festo sancte Lucie virginis et martiris proxime transacto praeterita

1 ab omnibus quibus decuisset et licuisset palam et occulte diligenter inquirendo talem de infrascriptis resciuisset certitudinis veritatem. Quod quamvis prouidus Valentinus Swryak dictus de Wrapcha, colonus ipsorum dominorum exponentium, de vinea sua in promonthorio castri Zomzedwara Borchecz vocata in praeallegato comitatu Zagrabiensi' existentis habita, tam akones seu ius montanum, quam etiam omnes alios prouentus ab ipsa vinea ad dictum castrum Zomzedwara de jure prouenire debentes, ad idem castrum plenarie et integre administrauerit et persoluerit, tarnen die dominico in festo videlicet sancte Elizabeth vidue proxime praeterito

2 egregius Johannes Lolych castellanus dicti castri Zomzedwara ex speciali commissione et mandato magnificorum dominorum Francisci de Thah, agazonum regalium magistri, ac Balthasaris de eadem Thah, filii eiusdem, dominorum scilicet suorum, missis et destinatis prouido Michaele Kozych de Zthenyewcz iudice ac aliis certis et quampluribus colonis iudicatus de eadem Zthenyewcz, hominibus scilicet et subditis praetacti castri Zomzedwara in praenotato comitatu Zagrabiensi existentis, officiolatus scilicet sui, armatis et potentiariis manibus in et ad cellarium ipsius Valentini Swryak coloni dictorum dominorum exponentium apud et penes dietam vineam suam in praetacto promonthorio dicti castri Zomzedwara, in praeallegato comitatu Zagrabiensi existentis habitam Borchecz appellato, irrui, illudque signeto sigilli obsignari et sic praeter omnem viam juris atque culpam dicti coloni jamfatorum dominorum exponentium introitum eiusdem cellarii eidem colono prohiberi et per huiusmodi obsignationem et prohibitionem efracto ipso cellario in vino cubulos octo ac in ferramentis et aliis rebus ipsius jobagionis in eodem cellario existentibus plusquam in valore duodecim florenorum dampni ipsi colono dictorum dominorum exponentium inferri et irrogari fecisset potentia mediante. Facta igitur huiusmodi inquisitione idem iudex nobilium eodem die inquisitionis praenotate memoratos dominos Franciscum de Thah et Balthasarem filiurn eiusdem medio praefati Johannis Lolych castellani et officialis dicti castri ipsorum Zomzedwara, in eodem castro in praenotato comitatu Zagrabiensi existente personaliter reperti, de eodem castro domo scilicet solite habitationis eorundem, amonuisset et euocasset in eo, ut ipsi in judiciis sedis nostrae iudiciariae Zagrabiensis iuxta publicam Regni constitutionem ac dementem et gratiosam annuentiam et commissionem Sacre Cesaree et Regie Maiestatis continuis quattuor diebus per nos scilicet comitem et magistrum viceprothonotarium Regni celebrari solitis, coram nobis personaliter vel per procuratores ipsorum legittimos rationem de praemissis reddituri, judiciumque et justiciam exinde recepturi efficacem modis omnibus comparere debeant et teneantur, certificando ibidem eosdem ut sive ipsi in praemissis judiciis modo praemisso coram nobis compareant et rationem de praemissis reddant siue non, nos ad partis comparentis instantiam id faciemus in praemissis quod juri videbitur expediri, testimonio praesentium mediante. 274