ARHIVSKI VJESNIK 7-8. (ZAGREB, 1964-1965.)
Strana - 262
74. Beč, 1569. VI 21. Instrukcija kralja Maksimilijana Jurju Hozutothyju i Andriji Methnitzu izaslanicima kod vredaje polovine susjedgradsko-stubičkih posjeda u zakup Franji Tahyju. Maximiiianus Secundus, Diuina fauente dementia electus Romanorum Imperator ac Hungariae, Bohemiaeque etc. rex. Instructio egregiis fidelibus Georgio Hozutoti, camerae nostrae Hungaricae consiliario, et Andreae de Methnicz, tricesimatori Nedelicensi, ad assignationem alterae medietatis arcis Zomzedwara et castelli Also Stubicza designatis, data. Cum nos certis et rationabilibus de causis, praesertim vero ut rixae atque contentiones, querelaeque assiduae, quae hactenus inter fidèles nostros magnificum Franciscum de Thah, consiliarium nostrum et agazonum nostrorum regalium magistrum, ac Stephanum Gerdack, prouisorem nostrum partis dimidiae arcis et castelli praefatorum agitatae sunt, iam tandem cessent, eiusdem arcis et castelli medietatem una cum uniuersis suis pertinentiis ac prouentibus, emolumentisque omnibus ad idem castrum et castellum de iure et ab antiquo spectantibus et pertinere debentibus, memorato de Thah certis conditionibus in litteris nostris inscriptionalibus clare expressis, in et pro quatuor millibus et quingentis florenis Rhenensis in arendam locandam, dictamque medietatem arcis et castelli ipsi Thahy quamprimum assignandam benigne decreuerimus, confisi clementer fidei atque industriae praescriptorum commissariorum nostrorum eisdem hanc assignationis prouintiam duximus committendam, sperantes ipsos pro eorum in nos débita fide in prouincia hac sibi comissa ita processuros, ut eis^ gratia nostra imperiali magis propensi simus. Ut autem commissarii ipsi nostri in munere sibi commisso rite, debitoque modo atque ordine procedere sciant, habebunt ad manus litteras ipsas nostras inscriptionis per nos plene expeditas, quibus conditiones, in quas cum ipso Thahio hie coram conuenimus, ordine habentur expresse, iuxta quas procedere et negocium rite exequi debebunt. Imprimis, igitur commissarii arcem et castellum praescriptum ingressi, hanc benignam nostram deliberationem atque voluntatem praescripto prouisori nostro Stephano Gerdack, adhibitis sibi litteris nostris fidei et expeditoriis, quas cum instructione sunt accepturi, declarabunt, postulabuntque sibi claues arcis et castelli, si quas habet exhiberi, quibus exhibitis, eum una cum reliqua familia, hactenus in utroque loco ad nostram rationem intertenta, liberunt, pronunctiabunt déclarantes ei, cum nobis hucusque fideliter seruierit nos prima oblata occasione illum alio officio personae suae idoneo clementer prouisurum. Ut tarnen rationes gesti officii bene concinnatas, cum pecunia apud manus suas habita, Camerae nostrae Hungaricae statim exhibeat, ipsisque rationes suas omnes bono debitoque modo explicet, illi nostro nomine commissarii iniungant. His peractis conuertent se commissarii nostri ad conscriptionem universorum munitionum ac instrumentorum bellicorum, bombardarum videlicet maiorum et minorum, pixidum barbatarum et manualium, pulueris item ac globorum, aliorumque cuiusque generis instrumentorum ad artellariam pertinentium in dicto castro et castello existentium, quae omnia ordine conscripta 262
