ARHIVSKI VJESNIK 7-8. (ZAGREB, 1964-1965.)

Strana - 259

Caesarea Maiestas huiusmodi judiciariam deliberationem Suae Maiestatis ex consilio et deliberatione dominorum consiliariorum suorum spectabili ac magnifico condam domino Petro Erdewdy, regnorum Suae Maiestatis Dalmatiae, Croatiae et Sclauoniae bano, pro debito officii sui iuxta publicas constitutiones superinde aeditas vi armorum exequendam per litteras suas serio, ut spoliatum in integrum restituisset, demandasse! Idem vero Petrus Erdewdy banus, tunc superstes tempore in praescripto, banderio Suae Maiestatis regali leuato, militibus eiusdem Maiestatis Cesareae sub illius ductu militantibus coadunatis ad praescriptum deliberationem et exequutionem, expressamque voluntatem Suae Maiestatis, per ipsam dominam Ursulam Meknyczer, suosque tamquam apertos rebelies, pacisque publicae turbatores ac insuper manifestos publicarum constitutionum violatores, qui sese iudicio et mandatis Suae Maiestatis praemisso modo fernere ac violenter opponere presumpserunt, modo praenotato spretam in virtute brachii Suae Maiestatis regalis exequendi sub arcem praedictam Zomzedwara profectus fuisset. Ibique se ac milites Suae Maiestatis sub ipsius ductu et banderio Suae Maiestatis regio militantes, necnon certas bombardas Suae Maiestatis murifragas collocasset. Extunc egregius Mathias Kerecheny de Kanyaffewlde gener eiusdem dominae Ursulae, qui tunc in ipso castro Zomzedwara, ceteris complicibus praefatae dominae Ursulae praefuerat, ex eiusdem dominae Ursulae et praenominatarum filiarum suarum commissione et instigatione eisdem complicibus et aliis, tam suis, quam etiam dominae Ursulae, filiarumque suarum et aliorum, diuersi status et conditionis peruersae hominibus, iam antea per easdem dominas conductis, et in ipsa arce collocatis et subordinatis, leuatis etiam et circa praedictam arcem Zomzedwara in insidiis collocatis quampluribus rusticis pertinentiarum eorundem arcis Zomzedwara et castelli Also Zthwbycza, in praefatum condam Petrum Erdewdy banum militesque praefatae Sacrae Caesareae et Regiae Maiestatis sub illius ductu militantes irruisset, ibique ex eiusdem militibus Suae Maiestatis nonnullis et quamplurimis miserabili nece trucidatis, quamplurimis etiam laetalibus vulneribus sauciatis, praefato condam Petro Erdewdy bano et reliquis militibus cum eo existentibus in fugam conversis et profligatis,. tandem etiam banderium eius Maiestatis regale simulet praescriptas bombardas murifragas, aliasque munitiones et instrumenta bellica, una cum tympanis ereis abstulissent, quamplurimas etiam res et instrumenta militaria tam praefati condam Petri Erdewdy bani, quam reliquorum militum Suae Maiestatis sub illius ductu existentium in predam conuertissent, praescriptum vero banderium Suae Maiestatis regale simulcum dictis bombardis ac tympanis, tam diu donee suae et dictarum dominarum et puellae placuisset voluntati, apud se retinuisset, per hocque penam de his qui evidenter sese erigunt et opponunt contra statutum publicum, regis et coronae, necnon et contemptorum mandatorum Suae Maiestatis, quam etiam qui se régi fernere ac violenter opponere presummerent in generalibus decretis ac articulis expressum de facto incurissent, quod quidem praefatarum dominarum et puellae scelestum et euidens facinus contra dignitatem et autoritatem praefatae Imperatoreae et Regiae Maiestatis, contraque décréta et statuta Regni per ipsas dominas et puellam et suos ex contumatia et rebellione perpetratum, pro officio et dignitate sua imperiali et regia obaudire nolens. Igitur ex parte praefatarum dominarum et puellae, necnon et complicium earundem, qui videlicet praefatis dominabus et puellae sua ope, auxilio, item et omni eorum consilio in praemissis omnibus praesto fuerunt, videlicet Ambrosius litteratus de Gregoryancz, filiusque illius Stephanus Gre259