ARHIVSKI VJESNIK 7-8. (ZAGREB, 1964-1965.)

Strana - 181

decies in terram detrahendo et deiiciendo, tandemque iidem homines et seruitores, colonique dictarum dominarum Ursulae relictae ac Cunigundae et Anne, necnon puellae Marthae et dicti Michaelis Konzky, de speciali etiam commissione et mandato ipsorum domini Pauli archiepiscopi et Ambrosii litterati de Gregoryancz, praefatam dominam Helenam Zryny et annotates duos filios suos exponentes, modo praemisso vituperiis et verberibus affectos et per manus suas arreptos in vehiculum ipsorum exponentium, in quo tunc reambulandi gratia egressi fuissent, imposuissent, eandemque dominam Helenam Zryny cum dictis duobus filiis suis exponentibus usque ad metam dictae arcis Zomzedwara versus civitatem Montis Grecensis in dicto comitatu Zagrabiensi habitam deduxissent, eisdem hominibus ac seruitoribus et colonis ipsarum dominarum Ursulae relictae et Cunigundae ac Annae, necnon puellae Marthae et Michaelis Konzky, ipsos dominam Helenam Zryny ac duos filios exponentes fistulis et citharis obrobriose insequentibus, ibique tandem meta in eadem cum ipsa domina Helena Zryny ac dictis duobus filiis suis et pedisequis exponentibus consistentes, prouidum Gregorium Skwryanecz, seruitorem aurigam ipsius dominae Helenae Zryny et dictorum filiorum suorum exponentium, qui tunc equos eiusdem dominae Helenae Zryny et dictorum duorum filiorum suorum exponentium praenotato vehiculo ipsorum junctos rexisset et moderatus fuisset, de equo, cui insedisset, deiecissent et ab equis amovissent et depulissent. Et sic ipsam dominam Helenam Zryny ac praefatos filios suos et pedisequas exponentes in vehiculo ipso existentes, auriga servitore ipsorum privatos et destitutos, in praedicta meta dictae arcis Zomzedwara reliquissent. Et nisi prudens et circumspectus Joannes litteratus Posner, civis et inhabitator civitatis Warasdiensis, tricesimator scilicet praefati domini nostri Imperatoris et Regis de Zamabor, eisdem equis obuiasset et ipsos a fuga et cursu cohibuisset, iidem equi vehiculum ipsum cum anotatis domina Helena Zryny et dictis duobus filiis ac pedisequis suis exponentibus abripuissent, unde eisdem dominae Helenae Zryny ac praefatis duobus filiis et pedisequis suis exponentibus fortassis et morsquoque accidisset mediante. Postea autem die dominico proximo post prescriptum festum beati Vincentii martyris,

7 eadem domina Helena Zryny exponens modo praemisso cum dictis omnibus liberis suis ex ipsa arce Zomzedwara exclusis, eadem domina Helena Zryny exponens cum dictis duobus filiis ac pedisequis suis exponentibus conquerendi cum super ipsa exclusione ac aliis violentiis sibi et duobus filiissuis ac consequenter dicto domino Francisco Thahy exponenti illatis ad nos, tunc nobis in castro nostro Rakonok in comitatu Crisiensi existente habito, constitutis et existentibus, cum praenotatis duobus filiis ac pedisequis suis exponentibus, memoratis Michaele et Joanne filiis ac Margaretha, Helena et Anna filiabus eiusdem dominae Helenae Zryny ad portionem eorundem exponentium possessionariam in dicto castello Also Zthwbycza in praescripto comitatu Zagrabiensi existente habitam, earn tuendi et conseruandi gratiam missis venisset. Quaequidem domina Ursula relicta ac Cunigunda et Anna, necnon puella Martha et Michael Konsky malum malo accumulando modo praemisso de speciali quoque commissione et mandato consilioque et persuasione memoratorum domini Pauli archiepiscopi et Ambrosii litterati, missis et destinatis quamplurimis hominibus et seruitoribus, rusticisque ipsorum dominae Ursulae relictae ac Cunigundae et Annae, necnon puellae Marthae et Michaelis Konzky, armatis et potentiariis manibus, numero circiter octingentis personis, idem 181