Dénesi Tamás (szerk.): Collectanea Sancti Martini - A Pannonhalmi Főapátság Gyűjteményeinek Értesítője 7. (Pannonhalma, 2019)
III.Forrás
Új források Rumer Márton főapáttá választásának... 207 3. Franz von Kaltenhausen apát, Benedikt Pettschacher perjel és a St. Lambrecht-i konvent levele a szentmártoni szerzetesközösséghez 1688. december 26., St. Lambrecht StiAL, Schedae professionis solemnis 1641–1661, 193. és StiAL, Faszikel Ungarn (Mindkét példány egykorú másolat.) Admodum Reverendi Religiosissimi ac Observandissimi in Christo Patres. Ex litteris vestris 13 huius mensis et anni datis non tantum luctuosam mortem Reverendissimi Domini Domini Archi Abbatis Geardi [!] (cui felicem aeternitatem precamur), sed etiam postulationem ad eandem Sanc ti Martini Archi Abbatiam in personam Reverendi Patris Martini Rumer comprofessi nostri votis unanimibus subinde factam cognovimus. Amplectimur benevolum animum vestrum; et tametsi ad consensum eidem postulationi ex parte nostra praestandum difficiles esse merito possemus, ac deberemus ob domesticam necessitatem aegre patientem opera carere eiusdem Reverendi Patris Martini monasterio nostro, ac praecipue Cellis Marianis admodum proficua. Nihilominus magis religiosae charitati, quam nostrae utilitati deferentes, moremque flagrantissimis precibus vest ris gerentes, mentem nostram, quam postulatis, hisce significamus, et licentiam eidem Reverendo Patri Martino, ut postulationem ita in se factam acceptare, in eamque consentire valeat, hisce concedimus, optantes illi ea Spiritus Sancti charismata, quibus inclyto vestro Archimonasterio diu ad suam, suorum salutem praeesse, ac prodesse valeat. De caetero vos omnes, Admodum Reverendi ac Religiosissimi Patres ex animo bene valere, atque hoc novo pignore nobis in Domino perpetuo devinctos esse summopere cupimus, ac indubie speramus. Datum in Monasterio Sancti Lamberti Styriae 26 Decembris 1688. Admodum Reverendissimarum ac Religiosissimarum Paternitatum Vestrarum Franciscus abbas ad Sanctum Lambertum Pater Benedictus prior totusque Conventus ibidem
