Dénesi Tamás (szerk.): Collectanea Sancti Martini - A Pannonhalmi Főapátság Gyűjteményeinek Értesítője 7. (Pannonhalma, 2019)
III.Forrás
204 Dénesi Tamás Forrásközlés 1. A pannonhalmi konvent levele Franz von Kaltenhausen St. Lambrecht-i apáthoz 1688. december 13., Szentmárton StiAL, Schedae professionis solemnis 1641–1661, 191. (Eredeti, a pannonhalmi konvent vörös zárópecsétjével ellátva.) Reverendissime ac Amplissime Domine Domine Pater in Christo Colendissime. Salutem, cum foelicissimo Christi Domini Natali, ac precum nostrarum humillima commendatione. Dignum et iustum fuisset, quatenus in tam gravi negotio per duos conventuales nostros, Reverendissimae ac Amplissimae Dominationis Vestrae, ac totius Sacri Conventus gratiosam praesentiam requisivissemus: modernis tamen durissimis temporibus, nimiis sumptibus parcere volentes, destinavimus Cellas usque Marianas Reverendum Patrem nostrum Ildephonsum comprofessum, ac plenipotentiarium nostrum; per eundem intimantes Reverendissimae ac Amplissimae Dominationi Vestrae, pientissimi Praelati nostri Gerardi, triennio ab hinc electi, sibi qui dem foelicissimam, at nobis valde luctuosam, ipsa praesentatae Almae Matris sacra die, in Domino obdormitionem. Orbati igitur tam Gratioso Patre filii, nec volentes membra carere capite (licet plures in gremio nostro reperiundi forent hac dignitate merito condecorandi) nihilominus, tempori nos accommodantes, unanimibus votis consensimus pro Admodum Reve rendo Patre Martino Rumer professo Monasterii Reverendissimae Dominationis postulando, quem et actualiter nostris demississimis precibus a Reverendissima ac Amplissima Dominatione Venerabilique Conventu in Patrem ac Archi-Abbatem nostrum quantotius dari postulamus, utpote Suae Sacratissimae Majestati, per praenominatum patrem Ildephonsum nostrum, pro confirmatione Regia accipienda, absque mora praesentandum. Ne videlicet (quod ordinarie fieri solet in Regnis Apostolicis, ubi apud ipsum Regem est collatio dignitatum ecclesiasticarum) aliquis competitor interim, aut commendatarius intrudatur. Annuat igitur Reverendissima Dominatio
