Dénesi Tamás - Dejcsics Konrád (szerk.): Collectanea Sancti Martini - A Pannonhalmi Főapátság Gyűjteményeinek Értesítője 2. (Pannonhalma, 2014)
III. Forrásközlések
A MEDGYESI SOMOGYI CSALÁD KÖZÉPKORI OKLEVELEI 275 26. Somogyvár, 1506. december 18. – A somogyi konvent jelentése II. Ulászló királynak arról, hogy amikor Herantfalvi Herant János királyi ember és Miklós testvér a Somogy megyei Kisfalud és Debrek birtokok feletti birtoklási jogot Hwzar Istvánnak át akarták adni a király parancsa alapján, Debreki Warga Lukács fia, Benedek ellenállt. Átírása II. Ulászló 1507. november 12-én kelt oklevelében (lásd 27. sz.). Serenissimo principi et domino domino Wladislao Dei gratia regi Hungarie, Bohemie, etc. domino ipsorum gratiosissimo conventus monasterii sancti Egidii de Simigio orationum suffragia devotarum perpetua cum fidelitate. Vestra noverit, quod nos litteras eiusdem vestri serenitatis abiudicatorias sententionales modum et formam cuiusdam iuris restatutionis, reambulationis, estimationis, occupationis, perpetuo titulo statutionis in se denotantes Bude tricesimo sexto die octavarum festi beati Michaeli archangeli proxime preteriti pro parte nobilis Stephani Hwzar de Debrek actoris contra nobilem dominam Katherinam, consortem Luce Warga de eadem Debrek in causam attractam emanatas nobisque preceptorie loquentes et directas summa cum reverentia recepimus et iuxta earundem continentiam unacum nobili Johanne Heranth et40 Heranthfalwa homine ipsius vestre serenitatis per eandem de curia vestre serenitatis regia ad id specialiter transmisso et deputato nostrum hominem videlicet religiosum fratrem Nicolaum sacerdotem, socium nostrum conventualem, unum ex nobis ad ea, que in eisdem litteris vestre serentiatis adiudicatoriis sententionalibus contineretur exequenda nostrum pro testimonio fidedignum duximus destinandum. Qui tandem exinde ad nos reversi nobis sub iuramento eorum concorditer retulerunt eomodo, quod ipsi feria sexta proxima post festum conceptionis beatissime Marie virginis proxime preteritum ad facies possessionum Kysfalwd et Debrek vocatarum in comitatu Simigiensi existentium consequenterque portionum possessionariarum nobilis condam domine Anne Dwl in eisdem habitarum vicinis et commetaneis earundem universis inibi legittime convocatis et presentibus accedendo, et dum idem homo vestre serenitatis predicto nostro tes timonio presente dictas portiones possessionariarum simulcum cunctis earundem utili tatibus et pertinentiis quibuslibet annotato Stephano Hwzar actori vestre serenitatis regie donationis titulo perpetuo possidenda statuere voluisset, tunc nobilis Benedictus filius prefati Luce Warga de Debrek in ipsos vestre serenitatis et nostrum testimonium homines exurgendo in signum repulsionis gladio suo evaginato premissam statutionem iuxta prescriptam vestre serenitatis iudiciariam commissionem fieri debentem eisdem vestre serenitatis et nostro testimonio hominibus facere et exequi non permisisset et sic premissa vestre serenitatis iudiciaria commissio effectui mancipari non potuisset. Seriem itaque executionis huiusmodi ad octavas festi beati Georgii martiris nunc venturas legittime perdurando vestre serenitatis duximus rescribendam, pretactasque litteras vestre serenitatis adiudicatorias capite sigilli nostri more solito consignatas eidem vestre serenitati in specie remittendo. Datum octavo die diei executionis ac statutionis et repulsionis prenotatarum, anno Domini millesimo quingentesimo sexto. 40 et] recte de
