S. Szabó József: A ceglédi református iskola története 1545 - 1936 (Cegléd, 1936)
Okmánytár I - XII.
170 Quo vero felicius haec omnia perfici queant, castam unusquisque sobriam et piam in hac societate degat. Absint itaque commisationes, compotationes, ebrietates, corcae, convivia, cujuscumque generis blasphemiae, obsceni sermones, juramenta vitiosa, Nominis Dei temerariae et non necessariae usurpationes ac prophanationes et omnes aliae ejusdem notae enormitates. Legis hujus Transgressores nisi libera Scholae Directorum dispensatione pro qualitate et gradu peccati accedat,, propudiose Schola eliminantor. De Moribus erga Proximum et primo erga Superiores. Lex prima. Divus Apostolus in Epistola ad Rom. 13. 1. jubet omnem animam subjici Potestatibus et Supereminentibus. Quare Studiosi suis Majoribus, utpote Tractuum Inspectori, Dioeceseos Seniori, Pastoribus, Scholae Rectoribus, nec non oppidi Magistratibus, Ecclesiae Primoribus, ut et Juratis Scholae Officialibus omni honore se subjiciunto, acproinde nemo contra suos Majores, proxime Scholae Rectorem, (Seniorem et Contrascribam) insurgito clam vel palam contra eosdem caedes, minasque spirato^ nemo verbis vel scriptis eos proscindito, apud alios calumniose traducito et commilitiones contra eosdem armato, secus facturus virgis caesus Schola ejicitor. Lex secunda. Nemo contentus vel institutione vel diligentia vel moribus Rectoris ab omni laesione famae ejus et in Schola et in Oppido serio abstineto. Verbis vel scriptis ejus existimationem ex Zelo privato ne dehonestato, sed, si necesse fuerit, defectum ejus corrigendum vel Ecclesiae Pastoribus vel Tractuum Seniori vel denique Dioeceseos Inspectori committito, secus facturus poenae proxime declaratae subesto. Lex tertia. Puerorum sive recenter in Scholam missorum, sive ab Antecessoribus derelictorum libera dispensatio penes Scholae rectorem maneto. Lex quarta.
