Evangelischen obergymnasiums, Bistritz, 1866
7 A. Sta-tmundart. 1. De lignbräck. An Bistritz stet en bräck, dáe se láng záit d’n nummen „lignbräck“ gehuet huet. Wenn em vum muerk, áne mättn äm wéch, än de holzgász go wäll, esu máesz em iber dis bräck, dáe se háe iberern gruebn Iáét. Dis bräck huet xrn nummen esu erháln. An älder záit wörn äne änrän äm länd; em máeszt ánefort áf en fáend géricht sái. De stádt hát dámols doppelt máurn, stuerk tirn, derno bástáien áud ämeränk em de stádt zwäsehn d’n máurn en bréidn gruebn, wuer em wásser änne loszn könnt. Än diser záit kám e birger, nummens Scholtes, áus Rodná ánd hollfc de nőricht, dát de Táttern än’t länd gebrőchn wéirn ánd kéi de stádt keimen. Wáe de birger det hirdn, rantn se durehenánder, scháfftn stéi áf de máurn, besátztn de tirn ánd de bástáien, láeszn wásser zwäsehn de máurn ánd richtn sich kéi de fáend. Esu geräst erwuertn de Iáit de fáend mirere dáech; áber wiere nät kám, dát wőrn de Táttern. Náu schäckt der Commándánt e puer jáng birger ze rósz; áuszn áf de géméin, se sénn dou nouforschn, wáe ánd wát et mát d’n Táttern wéir. De bőtn kamen non Mette§tref ánd ridn och kéi Nássöd, áber nichen réd vu d’n Táttern. Nä kamen se hémme ánd mäldn, dát em äm gánzn emkréis vu d’n fáend nászt gehírfc hát. Wáe de Bistritzer det hirdn, féngen se u ze kráischn ánd iber d’n Scholtes ze schimfn; se géngen ánd sáektn disn em en ze hán ; áber se fändn en nät gléich. Diser wőr némlich verstochn ánder der bräck vor em Commándántnháus áf dem muerk ánd blif dő ráich. Aber endlich fand em en doch; em zuch en áus dem gruebn eráus luecht’n áf en bánk ánd láesz en tichtich durchhán. Bái jedem kläppel, dien e er- wáscht máeszt’e kráischn: „Ich bän e ligner, ich hu gelogn.“ Wéll der Scholtes de schléch áf dem muerk, nébn um gruebn vor’m Commándántnháus , bekámm, esu háesz em dis bräck háe de lignbräck. Andern spráechn, de bräck hät doher d’n nummen beku, wéll em álle ligner hier áf d’n gruebn nebn u dis bräck áf’t schwitzbin- keltchi gestalt hát.
