Bács megyei püspöki körlevelek, 1939
6 Maneamus pleni in profunda religione erga Pontificem Romanum uti caput visibile ecclesiae et Christi in terris vicarium; fideles nostros ad sincerum amorem, indivulsam fidelitatem et debitam obedientiam exhortemur. a) Pia devotio erga Sanctissimum Patrem occassione mortis manifestetur; ubi primum lugubre nuntium de morte Pontificis pervenerit, mandato ab Ordinario non exspectato, obitus Summi Pontificis e sacro suggestu publicetur et sequenti Dominica die de auctoritate Romani Pontificis et de nostra ad eum fideli adhaerentia in ecclesia sermo habeatur. 1° Nuntio mortis accepto, statim signum detur cum omnibus campanis brevissimo spatio ter interruptum, dein et usque ad diem, quo Requiem pro eo celebrabitur, mane, meridie et vespere per dimidium horae spatium pulsetur, tempore vero exsequiarum pulsatio Campanarum per totam horam continuetur. 2° Quinta die post mortem, fidelibus praevie congrue edoctis, ac una cum magistratu ac corporationibus catholicis invitatis, Sacrum so- lemne de Requie c. Lib. (Missa 1. or. pr.) pro refrigerio animae defuncti Summi Pontificis celebretur. 3° Omnes sacerdotes nostrae dioecesis saltem unum Sacrum pro defuncto Pontifice Maximo offere meminerint; catholicis corporationibus, cadavere nondum sepulto, convivia et saltationes adornare vetitum est. b) Fideles S. Romanae Ecclesiae, addicti, exsequiis peractis, animas suas ad preces reflectant, ut Deus dirigat corda mentesque eligentium et consoletur ac protegat ecclesiam suam. Suboticae, die 11. februarii a. 1939. 1° Prima die post exsequias vel, si tempus concesserit, Dominica sequenti, celebretur Missa solemnis pro eligendo novo Pontifice, quae habetur in Missali post votivam B. M. V. „Suscitabo mihi sacerdotem"; ante Missam cantetur „Veni Sancte" cum versiculo et oratione et in fine Missae recitetur ter Pater et Ave. 2° Usque ad certam de terminata electione Pontificis notitiam, post Sacrum parochiale ter Pater et Ave recitetur. 3° Ipse autem Venerabilis Clerus usque ad electionem novi Pontificis sumat Collectam e Missa ut supra; electione peracta, curriculum vitae novi Pontificis populo annuntietur. c) Foveatur permanenter observantia votis Sanctissimi Patris eaque erga successorem s. Petri data occasione etiam externe demonstretur. 1° Quotannis die electionis et coronationis in Missa Collecta pro Pontifice sumatur ut supra; quovis feria V. juxta rubricas oratio imperata pro Papa (inter diversa quarta) adjungatur. 2° Hymnus in ecclesia pluries pro Papa cantandus procuretur, datis occasionibus in or- ganisationibus catholicis solemnitates coordinen- tur; pro signis bicolor ecclesiasticus (aureus et argenteus) in festis opportune apparandis adhibeatur. 3° Fideles adhortemur, ut suos obolos ad indigentias ecclesiae titulo stipis Petrianae libe- raliter praestent; imago Summi Pontificis propagetur; benedictionis papalis aegroti ante mortem fidelesque devoti solemnibus diebus memores efficiantur. Ludovicus Budanović Episcopus, Apostolicus Bačiensis Administrator.
