Bács megyei püspöki körlevelek, 1938
3 II. Omnes et singuli episcopi quovis quinquennio relationem facere Summo Pontifici super statu dioecesis sibi commissae et Romam Beatorum apostolorum Petri et Pauli sepulchra veneraturi, accedere et Romano Pontifici se sistere tenentur. Huic obligationi satisfacturus fer. II. Paschatis iter aggrediar et adm. Rev DD. curatores hac die orationem in Sacro Missae sacrificio, servatis servandis, pro itinere assumere velint, tempore vero exitus mei ex regione dioecesis, pomeridie h. 3—3.30 per dimidium horae omnibus Campanis pulsetur; ante meridiem autem de hac re populo edncto post Missam pro Pontifice Summo oratio fiat. Suboticae, die 30. martii a. 1938. Gratias quam maximas agimus Deo, optimo Patri, quod aedificia pro exercitiis spiritualibus apta Suboticae comparare Nobis concessit, in quibus cubilia separata pro vacantibus ad- strui poterint. Huic instituto nomen „Paulinum“ imponentes, pro anno currenti duo exercitia spiritualia indicimus: diebus 4.—8. julii habebuntur exercitia lingua hungarica, diebus vero 30. aug. — 3. sept. lingua illyrica; ultimis exercitiis adesse debent quovis anno presbyteri, qui examina subeundo apparuerint; ordo exercitiorum incipiet vespere et finietur post Missam mane dierum supradatorum. Rogantur Adm. Rev. DD. qui exercitiis vacare cupierint, ut adventum suum saltem duabus hebdomadis praevie Curiae significare velint. Suboticae, die 1. április a. 1938. Examina synodalia et triennalia hoc anno diebus 29. et 30. augusti observabuntur; examinatriennalia subituri scriptapraedicationum submittere, ceteri vero materiam examinis usque ad 1. augusti Curiae indicare debent. Suboticae, die 1. április a. 1938. Ad levitas nostrae dioecesis educandos anno currenti quoque concursus indicitur et susceptio alumnorum die 4 julii in Subotica peragetur. Alumnis seminarii asciscentur discipuli examine maturitatis minoris probati, absoluta classi quarta cursus gymnasialis; item vero pro disciplina ss. Theologiae concurrentes testimonio maturitatis praediti recipiuntur. Cum vero sufficientia aedificia praesto sint, in spe vocationis sacerdotalis et in sensu catholicae educationis, assumentur ad educationem seminaristicam etiam proles parentum ca- thol eorum, quem in finem constituitur institutum PAUL1NUM. In Paulinum recipiuntur primo candidati pro statu sacerdotii, dein ceteri, qui cursum gymnasialem Suboticae frequentare voluerint. Candidati pro sacerdotali vocatione in classibus superioribus gymnasii solvere debent 500 denarios, quod ex decreto Coetus Consultorum diminui poterit quoad singulos; in inferioribus 400 denarios. Asciti ad disciplinam ss. Theologiae primo anno 300 denarios solvent, quae summa annis sequentibus diminuetur. Ad concursum documenta sequentia requiruntur: 1. Libellus suplex juvenis et declaratio parentum. 2. Extractus ex libris Baptizatorum, gratis et sine tymbrio ab Officio Parochiali exaratus. 3. Testimonium de bonis moribus sive a parocho sive a proprio catecheta. 4. Ultimum testimonium scholare. Omnia documenta ante diem 20. mensis junii ad Curiam ABAe submittenda sunt. Concurrentes declamandi causa 4—5 versiculos alicujus poematis addiscant, testimonia originalia secum portent, die 4. julii ante meridiem in Domo Sacerdotali appareant ubi inspectio corporalis a medico observabitur et in sessione Consultorum susceptio alumnorum peragetur Die 4. julii concurrentibus gratis providebitur, ast pro inspectione medicinali 40 denarios ipsi solvere debent. Suboticae, die 2. április a. 1938. Nr. 1950. Ordinarius ad limina Apóst, profecturus. Nr. 1960. Exercitia spiritualia in „Paulino" Nr. 1965. Examina observabuntur diebus 29. et 30. augusti. Nr. 1955. Concursus pro seminanis.
